ജിദ്ദ: ഉംറക്കെത്തിയ കൊല്ലം സ്വദേശി റിയാദിൽ നിര്യാതനായി. കൊല്ലം കടയ്ക്കൽ, മടത്തറ വളവിൽ വീട്ടിൽ ജമാൽ മുഹമ്മദിന്റെ മകൻ ഷംസുദ്ദീൻ (69) ആണ് റിയാദിൽ മരിച്ചത്.
മകളെ സന്ദര്‍ശിക്കാന്‍ റിയാദില്‍ എത്തിയതായിരുന്നു.
ഏതാനും ദിവസങ്ങൾക്ക് മുമ്പ് വൃക്ക സംബന്ധമായ അസ്വസ്ഥതയെ തുടർന്ന് ഷംസുദ്ദീനെ റിയാദിലെ ആസ്റ്റർ സനദ് ആശുപത്രിയിൽ പ്രവേശിപ്പിച്ചിരുന്നു. ചികിത്സയിലിരിക്കെയായിരുന്നു അന്ത്യം.
ഭാര്യ: പരേതയായ ഷാഹിദ ബീവി, മക്കൾ: സനൂജ (റിയാദ്), സനോബർ ഷാ (ദുബൈ), സാജർ ഷാ (കുവൈത്ത്), മരുമക്കൾ: സക്കീർ ഹുസൈൻ, അൽഫിയ സനോബർ, തസ്ലീമ സാജർ.
നിയമനടപടികൾ പൂർത്തിയാക്കി മൃതദേഹം കഴിഞ്ഞ വെള്ളിയാഴ്ച ഉച്ചക്ക് ശേഷം റിയാദ് നസീമിലെ അൽസലാം മഖ്ബറയിൽ ഖബറടക്കി. എക്സിറ്റ് 15ലെ അൽരാജ്ഹി പള്ളിയിലെ ജനാസ നിസ്കാരത്തിന് ശേഷമായിരുന്നു ഖബറടക്കം.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group