തൊടുപുഴ– മുസ്ലിംകള്ക്കെതിരെ വീണ്ടും വിദ്വേഷ പ്രസംഗം നടത്തിയ ബിജെപി നേതാവ് പിസി ജോര്ജിനെതിരെ കേസെടുക്കണമെന്ന് കോടതി. തൊടുപുഴ ഫസ്റ്റ് ക്ലാസ് മജിസ്ട്രേറ്റ് കോടതിയാണ് ഉത്തരവിട്ടത്. അടിയന്തരാവസ്ഥയുടെ 50ാം വാര്ഷികവുമായി ബന്ധപ്പെട്ട് നടന്ന പരിപാടിയിലാണ് പിസി ജോര്ജ് വിദ്വേഷ പ്രസംഗം നടത്തിയത്. ആര്എസ്എസ് സഹയാത്രികനായ അജി കൃഷ്ണന് സെക്രട്ടറിയായ എച്ച്ആര്ഡിഎസ് ഇന്ത്യ തൊടുപുഴയില് സംഘടിപ്പിച്ച പരിപാടിയിലാണ് ഈ സംഭവം. പിസി ജോര്ജിന്റെ പരാമര്ശത്തില് കേസെടുക്കാമെന്ന് പബ്ലിക് പ്രോസിക്യൂട്ടര് കോടതിയില് റിപ്പോര്ട്ട് നല്കി. തൊടുപുഴ പോലീസിനോട് കേസെടുക്കാന് കോടതി നിര്ദേശിക്കുകയും ചെയ്തു.
പിസി ജോര്ജിനെയും സന്നദ്ധസംഘടനയായ എച്ച്ആര്ഡിഎസ് ഇന്ത്യ സെക്രട്ടറി അജി കൃഷ്ണനെയും പ്രതിയാക്കി കേസെടുക്കണമെന്ന് ആവശ്യപ്പെട്ട് യൂത്ത് കോണ്ഗ്രസ് നേതാവ് അനീഷ് കാട്ടാക്കട പോലീസില് പരാതി നല്കിയിരുന്നു. പക്ഷെ പിസി ജോര്ജിനെതിരെ കേസെടുക്കാത്തതിനെ തുടര്ന്ന് അനീഷ് കോടതിയെ സമീപിക്കുകയായിരുന്നു.