ഇടുക്കി– ഏജന്‍സിയുടെ ചതിയില്‍പ്പെട്ട് കുവൈത്തില്‍ തടങ്കലിലായ ജിനു പരിശ്രമങ്ങള്‍ക്കൊടുവില്‍ ഇന്ന് നാട്ടിലെത്തും. ജൂണ്‍ 17ന് അണക്കര ചെല്ലാര്‍കോവിലില്‍ ബൈക്കപകടത്തില്‍ മരണപ്പെട്ട മകന്‍ ഷൈജുവിന്റെ (17) മൃതദേഹം അമ്മ എത്താത്തിനാല്‍ സംസ്‌കരിച്ചിരുന്നില്ല. രണ്ടര മാസം മുമ്പാണ് ജോലി അന്യേഷിച്ച് ജിനു കുവൈത്തില്‍ പോയത്. തടവിലായ ജിനുവിനെ പുറത്തിറക്കാന്‍ കുവൈത്ത് മലയാളി അസോസിയേഷനും കേന്ദ്ര മന്ത്രിമാരും ഇടപെട്ടിരുന്നു. നാളെ ഉച്ചക്ക് 12 മണിക്ക് മൃതദേഹം മോര്‍ച്ചറിയില്‍ നിന്ന് വീട്ടില്‍ എത്തിക്കും. 3 മണിക്ക് അണക്കര ഏഴാം മൈല്‍ ഒലിവുമല പള്ളിയില്‍ വെച്ചായിരിക്കും സംസ്‌കരണം.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group