അൽ അയൂനി മലയാളികൂട്ടം സംഘടിപ്പിച്ച ഇഫ്താർ സംഗമം ശ്രദ്ധേയമായി

റിയാദ്: അൽ അയൂനി കമ്പനിയിലെ മലയാളികൂട്ടം മലാസ് അൽമാസ് റെസ്റ്റോറൻറ് ഹാളിൽ വച്ച് സംഘടിപ്പിച്ച ഇഫ്താർ സംഗമത്തിൽ കമ്പനിയിലെ ഇന്ത്യക്കാരെ കൂടാതെ മറ്റ് രാജ്യക്കാരും പങ്കെടുത്തു.

കരീം കാനാമ്പുറത്തിൻറെ നേതൃത്വത്തിൽ നടന്ന ഇഫ്താർ വിരുന്ന് വിവിധ ദേശ വർണ ഭാഷക്കാരുടെ സംഗമമായി. മലയാളികൾക്ക് സുപരിചതനായ വ്ളോഗർ ഹാഷിം ഹബ്ബാസ് മുഖ്യാതിഥി ആയിരുന്നു. കലാഭവൻ മണിയുടെ ഗാനങ്ങളെ ഒരുപാട് ഇഷ്ടപ്പെടുന്ന അദ്ദേഹം, കൊങ്ങോട്ടി പൂരം എന്ന മലയാള സിനിമയിൽ അഭിനയിക്കാൻ സാധിച്ചത് വലിയ അനുഗ്രഹമായി കാണുന്നുവെന്നും, മലയാളി സുഹൃത്തുക്കളും, കേരളീയരുടെ ആതിഥ്യ മര്യാദകളും തന്നെ ഏറെ സന്തോഷിപ്പിച്ചിട്ടുണ്ടെന്നും അഭിപ്രായപ്പെട്ടു.

ഇഫ്താറിനും തുടർ പരിപാടികൾക്കും ബിജു, ഇല്യാസ്, ഉസ്മാൻ, നവാഫ്, കാജാ, റഫീഖ്, ശ്രീനി, ഫസൽ, ലിയാഖത്ത്, റസാഖ്, ശ്യാം, മുബഷിർ, ഹിലാൽ തുടങ്ങിയവർ നേതൃത്വം നൽകി.