പാലക്കാട്ട് ഞെട്ടിച്ച് രാഹുൽ മുന്നേറ്റം

പാലക്കാട്: കടുത്ത പോരാട്ടം നടക്കുന്ന പാലക്കാട് മണ്ഡലത്തിൽ ബി.ജെ.പി കോട്ടയായ നഗരസഭയിലും മികച്ച നേട്ടമുണ്ടാക്കി കോൺഗ്രസ് സ്ഥാനാർത്ഥി രാഹുൽ മാങ്കൂട്ടത്തിൽ. ആദ്യ ഘട്ടത്തിലെ ബി.ജെ.പി ലീഡ് തിരിച്ചുപിടിച്ച് ആയിരത്തി അഞ്ഞൂറിലേറെ വോട്ടുകൾക്കാണിപ്പോൾ രാഹുൽ മാങ്കൂട്ടത്തിൽ കുതിക്കുന്നത്.

ബി.ജെ.പി ശക്തികേന്ദ്രത്തിൽ മുന്നേറ്റമുണ്ടാക്കാൻ സാധിച്ച സാഹചര്യത്തിൽ രാഹുൽ മാങ്കൂട്ടത്തിലിന്റെ ഭൂരിപക്ഷം പതിനായിരത്തിലേറെ കടക്കുമെന്നാണ് യു.ഡി.എഫ് കേന്ദ്രങ്ങൾ പറയുന്നത്. നഗരസഭയിൽ ലീഡ് നിലനിർത്താനായെങ്കിൽ മാത്രമേ ബി.ജെ.പിക്കു ജയസാധ്യതയുള്ളൂ. ഷാഫി പറമ്പിലിന് പോലും ലഭിക്കാത്ത സാധ്യതയാണ് രാഹുൽ മാങ്കൂട്ടത്തിലിന് ലഭിച്ചത്. മൂന്ന് റൗണ്ട് വോട്ടുകൾ എണ്ണിക്കഴിയുമ്പോൾ പാലക്കാട്ട് 1891 വോട്ടുകൾക്കാണ് രാഹുൽ ലീഡ് ചെയ്യുന്നത്.