ആലപ്പുഴ: നടൻ ബാല ഭാര്യ കോകിലയോടൊപ്പം കൊച്ചിയിൽ നിന്ന് താമസം മാറിയ വിവരം അറിയിച്ചെങ്കിലും എവിടെയാണെന്ന് ഇതുവരെയും വെളിപ്പെടുത്തിയിട്ടില്ല. എന്നാൽ, നടൻ പുതുതായി സമൂഹമാധ്യമത്തിൽ പോസ്റ്റ്‌ചെയ്ത വീഡിയോയിലെ വീട് കണ്ട് സമൂഹമാധ്യമത്തിൽ ചർച്ച കൊഴുക്കുകയാണ്.
ഇതാണ് നടന്റെ പുതിയ വീടെന്നും വൈക്കത്താണിതെന്നും അവിടെ താമസം തുടങ്ങിയതായും സൈറ്റിനെ കുറിച്ച് ധാരണയുള്ളവർ പറയുമ്പോൾ മറ്റൊരു കൂട്ടർ പറയുന്നത് ഇത് നടന്റെ പുതിയ വീടല്ല, ഷൂട്ടിംഗ് സൈറ്റാണെന്നാണ്. ബാല ഉടൻ ഷൂട്ട് ചെയ്യാനിരിക്കുന്ന സിനിമയ്ക്ക് വേണ്ടിയും ദമ്പതികൾക്ക് താമസിക്കാനും വേണ്ടി വാങ്ങിയതാണ് വീടെന്നാണ് ചിലർ പ്രതികരിച്ചത്.
ബാലയും ഭാര്യയും ചേർന്ന് വിളക്ക് കത്തിച്ച് വീടിലേക്ക് പ്രവേശിക്കുന്നതാണ് വീഡിയോയിലുള്ളത്. വീടിന്റെ വിവിധ ദൃശ്യങ്ങളും ഡ്രോൺ ഉപയോഗിച്ചുള്ള വിഷ്വലും വീഡിയോയിലുണ്ട്. വീടുള്ള സ്ഥലം എവിടെയാണെന്ന് നടൻ ഇതുവരെയും വ്യക്തമാക്കിയിട്ടില്ലെങ്കിലും വൈക്കത്താണെന്നാണ് വിവരം.
ബിഗ് ബി ബാലയായി താൻ തിരിച്ചുവരുമെന്നും കൊച്ചി വിട്ടെന്നും, നിങ്ങളുടെ ഹൃദയത്തിലെന്നും ഞാൻ ഉണ്ടാകുമെന്ന് പ്രതീക്ഷിക്കുന്നതായും വീഡിയോയ്ക്ക് അടിക്കുറിപ്പായി ബാല നൽകിയിട്ടുണ്ട്. കായൽക്കരയിൽ വേസ്റ്റേൺ രീതിയിൽ ഒരുക്കിയ വിശാലമായ ജനാലകളും മറ്റുമുള്ള അതിമനോഹരമായ വീടാണിത്. സമൂഹമാധ്യമത്തിൽ ഇതേക്കുറിച്ച് ചർച്ച തുടരവേ അധികം വൈകാതെ നടൻ വ്യക്തത വരുത്തുമെന്ന വിശ്വാസത്തിലാണ് പലരുമുള്ളത്.