തിരുവനന്തപുരം: സർവീസ് ചട്ടലംഘനം നടത്തിയതുമായി ബന്ധപ്പെട്ട് കേരളത്തിൽ രണ്ട് ഐ.എ.എസ് ഓഫീസർമാരെ സസ്പെന്റ് ചെയ്തു. വ്യവസായ വകുപ്പ് ഡയറക്ടർ കെ. ഗോപാലകൃഷ്ണണൻ, കൃഷി വകുപ്പ് സെക്രട്ടറി എൻ. പ്രശാന്ത് എന്നിവർക്കാണ് സസ്പെൻഷൻ. മല്ലു ഹിന്ദു വാട്സാപ്പ് ഗ്രൂപ്പുണ്ടാക്കിയതിനാണ് ഗോപാലകൃഷ്ണന് സസ്പെൻഷൻ.
അഡീഷണൽ ചീഫ് സെക്രട്ടറിക്ക് എതിരായ പരസ്യ അധിക്ഷേപത്തിലാണ് പ്രശാന്തിനെതിരായ നടപടി. ചീഫ് സെക്രട്ടറിയുടെ ശിപാർശ മുഖ്യമന്ത്രി അംഗീകരിച്ചു. അഡീഷണൽ ചീഫ് സെക്രട്ടറി ജയതിലകിനെതിരെ പ്രശാന്ത് സ്ഥിരമായി വിമർശനങ്ങൾ ഉയർത്തിയിരുന്നു. നടപടി ഉടൻ വേണമെന്ന് ഐ.എസ്.എസ് ഉദ്യോഗസ്ഥർ ആവശ്യപ്പെടുകയും ചെയ്തു.
അതേസമയം, നടപടിയിൽ അത്ഭുതമുണ്ടെന്നും ഉമ്മാക്കി കാണിച്ചു പേടിപ്പിക്കേണ്ടെന്നും പ്രശാന്ത് പ്രതികരിച്ചു. നടപടി ആരെ തൃപ്തിപ്പെടുത്താനാണെന്നും ചോദിച്ച പ്രശാന്ത് നന്നായി ജോലി ചെയ്തതിനുള്ള ശിക്ഷയാണെന്നും പറഞ്ഞു. സംസ്ഥാനത്ത് ഇതാദ്യമായാണ് രണ്ടു ഐ.എ.എസ് ഉദ്യോഗസ്ഥർക്ക് ഒന്നിച്ച് സസ്പെൻഷൻ നൽകുന്നത്.