മദീന- സമൂഹമാധ്യമങ്ങളിൽ ജനോപകാരപ്രദമായ കാര്യങ്ങൾ പങ്കുവെച്ച് ശ്രദ്ധേയനായ റാഫി മാനന്തവാടിയെ മദീന ഒ.ഐ.സി.സി ആദരിച്ചു. ഡോ. ഫാറൂഖ് ഡോക്ടർ( അൽ അബീർ മെഡിക്കൽ സെന്റർ) റാഫി മാനന്തവാടിക്ക് മെമന്റോ നൽകി. മദീന ഒ.ഐ.സി.സി വൈസ് പ്രസിഡന്റ് മുനീർ പടിക്കൽ അധ്യക്ഷത വഹിച്ചു.
ജിദ്ദ റിജിയണൽ സെക്രട്ടറി ബഷീർ പുൽപള്ളി ഉദ്ഘാടനം ചെയ്തു. പാലക്കാട് ജില്ല കെ.എം.സി.സി നേതാക്കളായ ബഷീർ തൃത്താല, മുഹമ്മദലി മാസ്റ്റർ മദീന ഒ.ഐ.സി.സി ജനറൽ സെക്രട്ടറിമാരായ ആദിൽ ചടയമംഗലം, അബ്ദുൽ ഗഫൂർ, നൗഷാദ് കണിയാപുരം,നാസർ വയനാട്, റഫീഖ് കടക്കൽ,ജാഫർ കാവോടന്‍, ഫിറോസ് ബാബു, അൻവർ പാലക്കാട്,അൻസാർ പാലക്കാട്, സജീർ കൊല്ലം, അനസ് ആലപ്പുഴ എന്നിവർ സംബന്ധിച്ചു. ജനറൽ സെക്രട്ടറി നജീബ് പത്തനംതിട്ട സ്വാഗതവും, ട്രഷറർ ഫൈസൽ അഞ്ചൽ നന്ദിയും അറിയിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group