‘പുരോഗതിക്ക് കൂടുതൽ കരുത്താകും’; കുവൈത്ത് അമീറുമായി കൂടിക്കാഴ്ച നടത്തി എം.എ യൂസഫലി

കുവൈത്ത് സിറ്റി: കുവൈത്ത് അമീർ ശൈഖ് മിശ്അൽ അൽ അഹ്മദ് അൽ ജാബിർ അൽ സബാഹമായി കൂടിക്കാഴ്ച നടത്തി വ്യവസായ പ്രമുഖനും ലുലു ഗ്രൂപ്പ് ചെയർമാനുമായ എം.എ യൂസഫലി. കുവൈത്ത് ബയാൻ കൊട്ടാരത്തിൽ വച്ചായിരുന്നു കൂടിക്കാഴ്ച.

പുതിയ ഭരണ നേതൃത്വം ഏറ്റെടുത്ത അമീറിനെ യൂസുഫലി അഭിനന്ദിച്ചു. കുവൈത്തിനെയും കുവൈത്തി ജനതയെയും കൂടുതൽ പുരോഗതിയിലേക്ക് നയിക്കാൻ കരുത്തേകുന്നതാണ് അമീറിന്റെ ദീർഘവീക്ഷണത്തോടെയുള്ള കാഴ്ചപ്പാടുകളെന്ന് അദ്ദേഹം അഭിപ്രായപ്പെട്ടു. ലുലു ഗ്രൂപ്പിന്റെ കുവൈത്തിലെ വികസന പദ്ധതികളും യൂസഫലി അമീറുമായി പങ്കുവെച്ചു.