വടകര കക്കട്ടിലിൽ ബസ് ബൈക്കിലിടിച്ച് യുവാവ് മരിച്ചു

വടകര : ബസ് ബൈക്കിൽ ഇടിച്ച് യുവാവിന് മരിച്ചു.നരിപ്പറ്റ ഇല്ലത്ത് മീത്തൽ രാജേഷ് (45 ) ആണ് മരിച്ചത്. ഇന്ന്(ഞായർ) വൈകുന്നേരം 5 മണിയോടെ കല്ലാച്ചി ഭാഗത്തുനിന്ന് കുറ്റ്യാടി ഭാഗത്തേക്ക് പോകുകയായിരുന്ന വിവാഹ പാർട്ടി സഞ്ചരിച്ച ടൂറിസ്റ്റ് ബസ് കക്കട്ടിൽ വെച്ച് ഇതേ ദിശയിൽ സഞ്ചരിക്കുകയായിരുന്ന ബൈക്ക് ഇടിച്ചു വീഴ്ത്തുകയായിരുന്നു. റോഡിലേക്ക് വീണ ബൈക്ക് യാത്രികന്റെ തലയിലൂടെ പിൻവശത്തെ ടയറുകൾ കയറിയിറങ്ങി.

രാജേഷിനെ നാട്ടുകാരും പോലീസും ചേർന്ന് കുറ്റ്യാടി ആശുപത്രി എത്തിച്ചെങ്കിലും മരണം സംഭവിച്ചിരുന്നു.മൃതദേഹം കുറ്റ്യാടി താലൂക്ക് ആശുപത്രി മോർച്ചറിയിൽ. അച്ഛൻ :പരേതനായ കക്കാട്ട് മീത്തൽ കണ്ണൻ. അമ്മ :രാധ. ഭാര്യ :ലിനിഷ. മക്കൾ:അലയ് കാർത്തിക്, അഹൽ കാർത്തിക്. സഹോദരങ്ങൾ:പുഷ്‌പ, രാഗ ലത.