കാഞ്ഞങ്ങാട് ട്രെയിനിടിച്ച് മൂന്നു സ്ത്രീകൾ മരിച്ചു, അപകടത്തിൽപ്പെട്ടത് ബന്ധുവീട്ടിൽ വിവാഹത്തിനെത്തിയവർ

കാഞ്ഞങ്ങാട്- കാഞ്ഞങ്ങാട് റെയിൽവേ സ്റ്റേഷന് സമീപം ട്രെയിൻ തട്ടി മൂന്നു സ്ത്രീകൾ മരിച്ചു. കോട്ടയം ചിങ്ങവനത്തുനിന്ന് കാഞ്ഞങ്ങാട്ടേക്ക് വിവാഹത്തിനെത്തിയ മൂന്നു സ്ത്രീകളാണ് മരിച്ചത്. ചിന്നമ്മ (70), എയ്ഞ്ചല(30), ആലീസ് തോമസ്(60) എന്നിവരാണ് മരിച്ചത്. ശനിയാഴ്ച വൈകിട്ട് ഏഴരക്കാണ് അപകടം സംഭവിച്ചത്. ചരക്കുവണ്ടിയാണ് ഇവരെ ഇവരെ ഇടിച്ചത്. പോലീസ് സ്ഥലത്തെത്തിയിട്ടുണ്ട്.

മലബാർ എക്സ്പ്രസിൽ തിരിച്ചുപോകാനെത്തിയതായിരുന്നു ഇവർ. പാളം മുറിച്ചുകടക്കുന്നതിനിടെ ട്രെയിൻ ഇടിക്കുകയായിരുന്നു.