ജിദ്ദ ഹൃസ്വ സന്ദർശനാർത്ഥം ജിദ്ദയിൽ എത്തിയ മലപ്പുറം ഡി.സി.സി നിർവാഹക സമിതി അംഗവും മുൻ ചാലിയാർ മണ്ഡലം കോൺഗ്രസ് കമ്മിറ്റി പ്രസിഡണ്ടുമായ അഡ്വക്കറ്റ് യൂനുസ് സലീമിന് ജിദ്ദ ഒ.ഐ.സി.സി മലപ്പുറം ജില്ലാ കമ്മിറ്റി സ്വീകരണം നൽകി.
ഷറഫിയ ഒ.ഐ.സി.സി മലപ്പുറം ജില്ലാ കമ്മിറ്റി ഓഫീസിൽ നടന്ന ചടങ്ങിൽ ഭാരവാഹികളും പ്രവർത്തകരും പങ്കെടുത്തു. പ്രസിഡന്റ് ഹുസൈൻ ചുള്ളിയോട് ഷാൾ അണിയിച്ച് സ്വീകരിച്ചു.
ജനാധിപത്യ ഇന്ത്യയിൽ ഇന്ത്യൻ നാഷണൽ കോൺഗ്രസ് ആണ് ഏക പ്രതീക്ഷയെന്നും, വരാനിരിക്കുന്നത് കോൺഗ്രസിന്റെ സുവർണ്ണ കാലഘട്ടമാണെന്നും ഇന്ത്യക്ക് നഷ്ടപ്പെട്ട ജനാധിപത്യവും മതേതരത്വവും തിരിച്ചുപിടിക്കാൻ രാഹുൽ ഗാന്ധിയും കോൺഗ്രസും നടത്തുന്ന പോരാട്ടങ്ങൾക്ക് പ്രവാസ ലോകത്തുനിന്ന് ശക്തമായ പിന്തുണ നൽകണമെന്നും അദ്ദേഹം അഭിപ്രായപ്പെട്ടു. കെ.പി.സി.സിയിലും ഡിസിസിയിലും ഒ.ഐ.സി.സി പ്രവർത്തകർക്ക് അർഹമായ അംഗീകാരവും പ്രാതിനിധ്യവും നൽകാൻ കൃത്യമായ മാനദണ്ഡങ്ങൾ പുറപ്പെടുവിക്കുവാൻ പാർട്ടി നേതൃത്വത്തോട് ആവശ്യമുന്നയിക്കുമെന്ന് അദ്ദേഹം പറഞ്ഞു.
ചടങ്ങിൽ ഒ.ഐ.സി.സി റീജിയണൽ കമ്മിറ്റി ജനറൽ സെക്രട്ടറി ആസാദ് പോരൂർ, മലപ്പുറം ജില്ലാ കമ്മിറ്റി വൈസ് പ്രസിഡണ്ട് അലവി ഹാജി, വെൽഫെയർ കൺവീനർ സിപി മുജീബ് നാണി, ഷിബു കാളികാവ്, സമീർ കാളികാവ്, മൈനോറിറ്റി കോൺഗ്രസ് മലപ്പുറം ജില്ലാ ജനറൽ സെക്രട്ടറി മുജീബ് പാക്കട, സിറ്റിപി ഇസ്മയിൽ,, സി മുഹമ്മദ് മൂത്തേടം, ഉസ്മാൻ മേലാറ്റൂർ, നൗഷാദ് ചാലിയാർ, സാജു റിയാസ്, ബഷീർ പരുത്തിക്കുന്നൻ എന്നിവർ സംസാരിച്ചു. ജനറൽ സെക്രട്ടറി ഇസ്മയിൽ കൂരിപ്പൊയിൽ സ്വാഗതവും ട്രഷറർ സമീർ പാണ്ടിക്കാട് നന്ദിയും പറഞ്ഞു.