അൻവറിന്റെ ആദ്യ ലക്ഷ്യം വിജയം കണ്ടു, സുജിത് ദാസിന് സസ്പെൻഷൻ

തിരുവനന്തപുരം- പി.വി അൻവർ എം.എൽ.എ കടുത്ത ആരോപണം ഉന്നയിച്ച പോലീസ് സൂപ്രണ്ട് സുജിത് ദാസിനെ സർവീസിൽനിന്ന് സസ്പെന്റ് ചെയ്തു. മുഖ്യമന്ത്രി പിണറായി വിജയനാണ് സസ്പെൻഷന് ഉത്തരവിട്ടത്. ഒരു വിക്കറ്റ് വീണുവെന്നും ഒരു പുഴുക്കുത്ത് പുറത്തേക്കെന്നും പി.വി അൻവർ പറഞ്ഞു. മലപ്പുറം, പത്തനംതിട്ട ജില്ലാ പോലീസ് മേധാവിയായിരുന്നു സുജിത് ദാസ്. മോഷണക്കുറ്റം അടക്കം നിരവധി പരാതികളാണ് സുജിത് ദാസിന് നേരെയുള്ളത്.

സുജിത് ദാസ് നിരവധി ചട്ടലംഘനം നടത്തിയെന്ന് ഡി.ജി.പി റിപ്പോർട്ട് നൽകിയിരുന്നു. അതേസമയം, മോൻസൻ മാവുങ്ങലുമായി ബന്ധപ്പെട്ട കേസിൽ കഴിഞ്ഞ ഒരു വർഷമായി സസ്പെൻഷനിൽ കഴിയുന്ന ഐ.ജി ലക്ഷ്മണയെ സർവീസിൽ തിരിച്ചെടുത്തു.