റംബൂട്ടാന്റെ കുരു തൊണ്ടയിൽ കുടുങ്ങി എട്ടു മാസമായ കുഞ്ഞ് മരിച്ചു

കോട്ടയം: റംബൂട്ടാൻ പഴത്തിന്റെ കുരു തൊണ്ടയിൽ കുടുങ്ങി എട്ടുമാസം പ്രായമുള്ള കുഞ്ഞ് മരിച്ചു. പാലാ മീനച്ചിൽ സുനിൽ ലാൽ-ശാലിനി ദമ്പതികളുടെ മകൻ ബദരീനാഥാണ് മരിച്ചത്.

റംബൂട്ടാൻ പഴം പൊളിച്ചുനൽകുന്നതിനിടെയാണ് സംഭവം. കുരു തൊണ്ടയിൽ കുടുങ്ങിയതിനെ തുടർന്ന് ശ്വാസതടസം അനുഭവപ്പെടുകയായിരുന്നു. ഉടനെ കുഞ്ഞിനെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഞായറാഴ്ച വൈകീട്ട് ആറരയോടെയാണ് സംഭവം.