ഹേമ കമ്മിറ്റി റിപ്പോർട്ട് സമൂഹം നേരത്തെ പ്രതീക്ഷിച്ചത്-എസ്.ഐ.സി സെമിനാർ

ജിസാൻ-മലയാള സിനിമാ മേഖലയിലെ സ്ത്രീവിരുദ്ധ നിലപാടുകൾ സംബന്ധിച്ച വസ്തുത റിപ്പോർട്ടുകൾ സംബന്ധിച്ച് ഞെട്ടൽ ഇല്ലെന്നും ഇത് സമൂഹം നേരത്തെ പ്രതീക്ഷിച്ചതാണെന്നും ഡോ. ഖാസിമുൽ ഖാസിമി അഭിപ്രായപ്പെട്ടു. സ്ത്രീസുരക്ഷയുമായി ബന്ധപ്പെട്ട ഖുർആൻ വചനങ്ങൾ വർത്തമാന കാലത്ത് ഏറ പ്രസക്തമാണന്നും അദ്ദേഹം കുട്ടിച്ചേർത്തു.

ജിസാൻ എസ്.ഐ.സി സെൻട്രൽ കമ്മറ്റി സംഘടിപ്പിച്ച ഖുർആൻ വിഭാവനം ചെയ്യുന്ന സമൂഹം, സെമിനാർ ഉദ്ഘാടനം ചെയ്യുകയായിരുന്നു അദ്ദേഹം. പ്രസിഡന്റ് മുസൽ കാസിം അൻവരി അദ്ധ്യക്ഷനായിരുന്നു. അബ്ദുൽ ഗഫൂർ വാവൂർ, മുസാഫർ മുക്കം. ജാബിൻ ചെമ്മാട്. അബുബക്കർ സിദ്ദീഖ് തുടങ്ങിയവർ ചർച്ചയിൽ പങ്കെടുത്തു. ജനറൽ സെക്രട്ടറി പിടി സുബീർ സ്വാഗതവും അക്ബറലി നന്ദിയും പറഞ്ഞു