ജിദ്ദ – ലൈത്തിന് കിഴക്ക് വാദി മന്‍സിയില്‍ ശക്തമായ മലവെള്ളപ്പാച്ചിലില്‍ പെട്ട കാറില്‍ കുടുങ്ങിയ സൗദി വൃദ്ധനെ ഒരുകൂട്ടം സ്വദേശി യുവാക്കള്‍ ചേര്‍ന്ന് രക്ഷിച്ചു. കാര്‍ ഒഴുക്കില്‍ പെട്ടതോടെ വൃദ്ധന്‍ മുന്‍വശത്ത് ബോണറ്റിനു മുകളില്‍ കയറി നിലയുറപ്പിക്കുകയായിരുന്നു. ഇത് കണ്ട് സൗദി യുവാക്കള്‍ കൈകള്‍ പരസ്പരം ചേര്‍ത്ത് പിടിച്ച് കുത്തൊഴുക്കുള്ള വെള്ളത്തില്‍ ഇറങ്ങി കയര്‍ എറിഞ്ഞുകൊടുക്കുകയും കയറില്‍ പിടിച്ച വൃദ്ധനെ വെള്ളത്തില്‍ നിന്ന് വലിച്ചുകയറ്റുകയുമായിരുന്നു. ഇതിന്റെ ദൃശ്യങ്ങള്‍ അടങ്ങിയ വീഡിയോ സാമൂഹികമാധ്യമങ്ങളില്‍ പ്രചരിക്കുന്നുണ്ട്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group