പാലക്കാട്: മണ്ണാർക്കാട് സ്‌കൂൾ ബസ്സിറിങ്ങിയ വിദ്യാർത്ഥിനി റോഡ് മുറിച്ചുകടക്കവേ അതേ ബസ്സിടിച്ചു മരിച്ചു. മണ്ണാർക്കാട് നാരങ്ങപ്പറ്റ സ്വദേശി തൊട്ടിപ്പറമ്പിൽ നൗഷാദിന്റെ മകൾ ഹിബ(6)യാണ് മരിച്ചത്.
നെല്ലിപ്പുഴ ഡി.എച്ച്.എസ്.എസ് സ്‌കൂളിലെ ഒന്നാംക്ലാസ് വിദ്യാർത്ഥിനിയാണ്. ബസിറങ്ങി റോഡ് മുറിച്ചുകടക്കുന്നതിനിടയിൽ മുന്നോട്ടെടുത്ത ബസിടിക്കുകയായിരുന്നു. ഗുരുതരമായി പരുക്കേറ്റ വിദ്യാർത്ഥിനിയെ ഉടനെ വട്ടമ്പലത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വ്യാഴാഴ്ച്ച വൈകീട്ടാണ് അപകടം. സംഭവത്തിൽ കേസെടുത്ത് അന്വേഷണം ആരംഭിച്ചതായി പോലീസ് പറഞ്ഞു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group