മനാമ: ഗുദൈബിയ ലുലു ഹൈപ്പര്‍മാര്‍ക്കറ്റില്‍ പിനോയ് വീക്ക് ആരംഭിച്ചു. ജൂണ്‍ 15 വരെ നടക്കുന്ന ഫെസ്റ്റിവല്‍ ബഹ്റൈനിലെ ഫിലിപ്പീന്‍സ് അംബാസഡര്‍ ആനി ജലാന്‍ഡോ-ഓണ്‍ ലൂയിസ് ഉദ്ഘാടനം ചെയ്തു. രാജ്യത്തെ ഫിലിപ്പിനി സമൂഹത്തിന്‍റെ തനത് വിഭവങ്ങള്‍, കരകൗശല വൈദഗ്ദ്ധ്യം എന്നിവ പ്രദര്‍ശിപ്പിച്ചിട്ടുണ്ട്. വാഴപ്പഴം, മാമ്പഴം, പൈനാപ്പിള്‍ എന്നിവ മുതല്‍ ധൂമ്രനൂല്‍ മധുരക്കിഴങ്ങ്, ഫിലിപൈന്‍സില്‍ പായ്ക്ക് ചെയ്യുന്ന മത്സ്യം, എന്നിവയടക്കം ഫിലിപ്പിനി ഉല്‍പ്പന്നങ്ങളുടെ വന്‍ ശേഖരം തന്നെ മേളയില്‍ ഒരുക്കിയിട്ടുണ്ട്. ലുലുവിലെ പ്രഗത്ഭരായ ഷെഫുകള്‍ ഒരുക്കിയ ഫിലിപ്പിനോ വിഭവങ്ങളും ലഭ്യമാണ്. മികച്ച ഫിലിപ്പിനോ ബ്രാന്‍ഡുകളായ യുഎഫ്സി, മാമാ സീത, ലിഗോ എന്നിവയും ഹെല്‍ത്ത് ആന്‍ഡ് ബ്യൂട്ടി ഉല്‍പന്നങ്ങളും പ്രമോഷനില്‍ ഉണ്ട്. പ്രശസ്തമായ കോറോ ഫിലിപ്പിനോ ഗായകസംഘത്തിന്‍റെ സംഗീത പരിപാടിയും നടന്നു. ഗുദൈബിയ ലുലുവില്‍ കരോക്കെ മത്സരം നടക്കും. ഫിലിപ്പീന്‍സ് റോണ്ടെല്ല സംഗീത പ്രകടനങ്ങള്‍ 13 ന് ദാന മാളില്‍ നടക്കും. ബഹ്റൈനില്‍ പിനോയ് പാചകരീതികളും സൗന്ദര്യവര്‍ദ്ധക ഉല്‍പന്നങ്ങളും സംസ്കാരവും പ്രദര്‍ശിപ്പിക്കുന്നതില്‍ ലുലു ഹൈപ്പര്‍മാര്‍ക്കറ്റിന് അതീവ സന്തോഷമുണ്ടെന്ന് റീജിയണല്‍ ഡയറക്ടര്‍ മുഹമ്മദ് കലീം പറഞ്ഞു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group