രഞ്ജിനി ജോസ് ജിദ്ദയിൽ

കൊല്ലം പ്രവാസി സംഘം ജിദ്ദയുടെ ‘കലാ മേളം’ നാളെ: രഞ്ജിനി ജോസും മറ്റ് കലാപ്രതിഭകളുമെത്തി

ജിദ്ദ: കൊല്ലം പ്രവാസി സംഗമം ജിദ്ദ ( കെ. പി. എസ്. ജെ )യുടെ 18 മത് വാർഷിക ആഘോഷം കൊല്ലം കലാമേളം 2024 നാളെ വൈകുന്നേരം 6 മണി മുതൽ ഇന്ത്യൻ കോൺസുലേറ്റ് അങ്കണത്തിൽ അരങ്ങേറും. ഈ കലാ സന്ധ്യയിൽ പ്രശസ്ത സിനിമാ പിന്നണിഗായകരായ രഞ്ജിനി ജോസ് , അഭിജിത് കൊല്ലം എന്നിവരും നാട്ടിൽനിന്നും തന്നെയുള്ള ലൈവ് ഓർക്കെസ്ട്രാ അംഗങ്ങളും ഏഷ്യാനെറ്റ്‌ ബിഗ് ബോസ്സ് ഫെയിം ഡി. ജെ സിബിൻ എന്നിവരും ജിദ്ദയിലെത്തി.

രഞ്ജിനി ജോസിനെയും മറ്റ് കലാകാരന്മാരെയും കെ. പി. എസ്. ജെ സാരഥികളായ ഷാനവാസ്‌ കൊല്ലം, മനോജ്‌ മുരളീധരൻ, സജു രാജൻ, ഷാനവാസ്‌ സ്നേഹക്കൂട്, ഷാനി ഷാനവാസ്‌, ബിൻസി സജു, തമന്ന മനോജ് എന്നിവർ സ്വീകരിച്ചു.