വയനാട്ടിൽ നാലാംഗ ക്വട്ടേഷൻ സംഘം പിടിയിൽ

കൽപ്പറ്റ – കൊച്ചിയിലും മറ്റും നിരവധി ക്രിമിനൽ കേസുകളിൽ പ്രതികളായ ക്വട്ടേഷൻ സംഘം വയനാട്ടിൽ പിടിയിലായി. കൊച്ചി സ്വദേശികളായ മുളന്തുരുത്തി ഏലിയാട്ടേൽ വീട്ടിൽ ജിത്തു ഷാജി, ചോറ്റാനിക്കര വാഴപ്പറമ്പിൽ വീട്ടിൽ അലൻ ആന്റണി, പറവൂർ കോരണിപ്പറമ്പിൽ വീട്ടിൽ ജിതിൻ സോമൻ, ആലുവ അമ്പാട്ടിൽ വീട്ടിൽ രോഹിത് രവി എന്നിവരാണ് വൈത്തിരി പോലീസിന്റെ വലയിലായത്.
ഇന്ന് പുലർച്ചെ രണ്ടരയോടെ ലക്കിടി സ്‌കൂളിന് സമീപത്ത് നിന്നാണ് ഇവരെ പിടികൂടിയതെന്ന് പോലീസ് പറഞ്ഞു. നാലംഗ സംഘത്തിൽ മൂന്നുപേർ കൊലപാതകം, വധശ്രമം, മോഷണം ഉൾപ്പെടെ വിവിധ ക്രിമിനൽ കേസുകളിലെ പ്രതികളാണെന്നും കൂടുതൽ വിവരങ്ങൾ ശേഖരിച്ചുവരികയാണെന്നും പോലീസ് പറഞ്ഞു.