മലയാളി മോഡലിനെ ഹോട്ടലിൽ എത്തിച്ച് പീഡിപ്പിക്കാൻ ശ്രമം; പരസ്യ ഏജന്റ് പിടിയിൽ

ചെന്നൈ – മലയാളി മോഡലിനെ പീഡിപ്പിക്കാൻ ശ്രമിച്ച കേസിൽ പരസ്യ ഏജൻറ് പോലീസ് പിടിയിൽ. കൊച്ചി സ്വദേശിനിയായ യുവതിയുടെ പരാതിയിൽ പരസ്യ ഏജന്റായ സിദ്ധാർത്ഥ് ആണ് പോലീസ് വലയിലായത്.
ചെന്നൈയിലെ ഹോട്ടലിൽ വച്ചാണ് സംഭവം. പരസ്യചിത്രത്തിൽ അഭിനയിക്കാനെന്നു പറഞ്ഞ് വിളിച്ചുവരുത്തിയ ശേഷം ഹോട്ടൽ റൂമിൽ വച്ച് സിദ്ധാർത്ഥ് യുവതിയെ പീഡിപ്പിക്കാൻ ശ്രമിക്കുകയായിരുന്നു.
ഇംഗ്ലണ്ടിൽ ചിത്രീകരിക്കുന്ന പരസ്യത്തിൽ അഭിനയിക്കാനെന്നു പറഞ്ഞാണ് പ്രതി യുവതിയെ ഹോട്ടലിലേക്ക് ക്ഷണിച്ചുവരുത്തിയത്. ശേഷം കഥ പറഞ്ഞ് കടന്നുപിടിക്കാൻ ശ്രമിച്ചതോടെ യുവതി ഹോട്ടൽ മുറിയിൽനിന്ന് ഓടിയിറങ്ങി ഹോട്ടൽ ജീവനക്കാരെ വിവരം അറിയിക്കുകയായിരുന്നു. തുടർന്ന് ഇവർ വിവരം പോലീസിൽ അറിയിക്കുകയായിരുന്നു.