ഫിഫ വനിത ലോകകപ്പ് ഫുട്ബോളിന് ബ്രസീൽ ആതിഥേയത്വം വഹിക്കും

ബാങ്കോക്ക്- 2027-ൽ നടക്കാനിരിക്കുന്ന വനിതാ ലോകകപ്പ് ഫുട്ബോളിന് ബ്രസീൽ ആതിഥേയത്വം വഹിക്കും. ഇന്ന് ബാങ്കോക്കിൽ ചേർന്ന ഫിഫ യോഗത്തിൽ പ്രസിഡന്റ് ജിയാനി ഇൻഫാന്റിനോയാണ് ഇക്കാര്യം പ്രഖ്യാപിച്ചത്.

തായ്‌ലൻഡിലെ ബാങ്കോക്കിൽ നടന്ന 74-ാമത് ഫിഫ കോൺഗ്രസിലാണ് 2027-ൽ നടക്കുന്ന പത്താമത്തെ ഫിഫ വനിതാ ലോകകപ്പിൻ്റെ ആതിഥേയ രാജ്യമായി ബ്രസീലിനെ പ്രഖ്യാപിച്ചത്. ടൂർണമെൻ്റിന് ആതിഥേയത്വം വഹിക്കുന്ന ആദ്യത്തെ ദക്ഷിണ അമേരിക്കൻ രാജ്യമാണ് ബ്രസീൽ.

ബ്രസീലിന് 119 വോട്ടുകൾ ലഭിച്ചപ്പോൾ ബെൽജിയം, നെതർലൻഡ്‌സ്, ജർമ്മനി എന്നിവയുടെ സംയുക്ത ബിഡ്ഡിന് 78 വോട്ടുകൾ ലഭിച്ചു.