നാഗപട്ടണം എം.പി എം.സെല്‍വരാജ് അന്തരിച്ചു

ചെന്നൈ: നാഗപട്ടണം എം.പിയും തമിഴ്നാട്ടിലെ സി.പി.ഐ നേതാവുമായ എം.സെൽവരാജ് അന്തരിച്ചു. 67 വയസ്സായിരുന്നു. ചെന്നൈയിലെ സ്വകാര്യ ആശുപത്രിയിൽ ചികിത്സയിലിരിക്കെയായിരുന്നു അന്ത്യം.1989 ലാണ് ആദ്യമായി പാര്‍ലമെന്‍റിലേക്ക് സെൽവരാജ് തെരഞ്ഞെടുക്കപ്പെടുന്നത്. പിന്നീട് മൂന്ന് തവണ കൂടി നാഗപട്ടണത്ത് നിന്ന് വിജയിച്ചിരുന്നു. വൃക്കസംബന്ധമായ രോഗങ്ങൾ കാരണം ഇപ്രാവശ്യം മത്സരത്തിൽ നിന്ന് പിന്മാറുകയായിരുന്നു. തമിഴ്നാട് മുഖ്യമന്ത്രി എം കെ സ്റ്റാലിൻ, സിപിഐ ജനറൽ സെക്രട്ടറി ഡി. രാജ തുടങ്ങിയവർ അനുശോചിച്ചു.