തിരുവനന്തപുരം- ഗ്യാനേഷ് കുമാറിനെ മുഖ്യ തെരഞ്ഞെടുപ്പ് കമ്മീഷണർ സ്ഥാനത്തു നിന്ന് നീക്കണമെന്നാവശ്യപ്പെട്ട് പ്രമേയം പാസ്സാക്കി കേരള നിയമസഭ. മുഖ്യമന്ത്രി വി.ഡി സതീശൻ അവതരിപ്പിച്ച പ്രമേയത്തെ പ്രതിപക്ഷം ഭേദഗതി നിർദേശത്തോടെ പിന്തുണച്ചു.
ഗ്യാനേഷ് കുമാറിന്റെ രാജി ആവശ്യപ്പെട്ട് ഡൽഹിയിൽ പ്രതിപക്ഷ പാർട്ടികളുടെയും സി ജെ പിയുടെയും സമരം നടക്കുന്നതിനിടെയാണ് സംസ്ഥാന സർക്കാർ നീക്കം. മുഖ്യമന്ത്രി തന്നെയാണ് പ്രമേയം അവതരിപ്പിക്കുന്നതെന്നുള്ള പ്രത്യേകതയുമുണ്ടിതിന്. രാജ്യത്ത് ആദ്യമായാണ് ഒരു സംസ്ഥാന നിയമസഭ കേന്ദ്ര മുഖ്യ തെരഞ്ഞെടുപ്പ് കമീഷണർക്കെതിരെ ഇത്തരമൊരു പ്രമേയം പാസാക്കുന്നത്.
പ്രമേയത്തിൽ പ്രതിപക്ഷ നേതാവ് പിണറായി വിജയന്റെ വാക്കാലുള്ള ഭേദഗതി അംഗീകരിച്ചു. പുറത്തായ ലക്ഷക്കണക്കിന് വോട്ടർമാർ എന്നത് 13 കോടി എന്നാക്കണമെന്നാണ് പ്രതിപക്ഷ നേതാവ് ചൂണ്ടിക്കാട്ടിയത്. വാക്കാലുള്ള ഭേദഗതി അംഗീകരിക്കുന്നുവെന്ന് മുഖ്യമന്ത്രി അറിയിച്ചു.
വോട്ടർപട്ടിക പരിഷ്‌കരണത്തിലെ അപാകതകൾ, അർഹരായ വോട്ടർമാരെ ഒഴിവാക്കൽ, തിരഞ്ഞെടുപ്പ് കമ്മീഷന്റെ നിഷ്പക്ഷത എന്നിവയിൽ ഗുരുതരമായ ആശങ്കകൾ ഉയർന്ന പശ്ചാത്തലത്തിലാണ് ഭരണ- പ്രതിപക്ഷ ഐക്യത്തോടെ ഈ നീക്കം നടന്നത്. പ്രമേയത്തെ മൂന്ന് ബി ജെ പി എം എൽ എമാർ എതിർത്തു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group