ന്യൂയോർക്കിൽ റൈബാകിന യുഗം; സബലേങ്കയെ വീഴ്ത്തി കന്നി യു.എസ് ഓപ്പൺ കിരീടം

ന്യൂയോർക്ക്- 2026 യു.എസ് ഓപ്പൺ വനിതാ സിംഗിൾസ് കിരീടം സ്വന്തമാക്കി കസാഖിസ്ഥാന്റെ എലേന റൈബാകിന. ന്യൂയോർക്കിലെ ആർതർ ആഷെ സ്റ്റേഡിയത്തിൽ നടന്ന ആവേശകരമായ ഫൈനൽ പോരാട്ടത്തിൽ നിലവിലെ ചാമ്പ്യനായിരുന്ന ബെലാറൂസിന്റെ അരീന സബലേങ്കയെ 6-4, 5-7, 6-2 എന്ന സ്‌കോറിന് പരാജയപ്പെടുത്തിയാണ് റൈബാകിന കിരീടം ചൂടിയത്
എലേന റൈബാകിനയുടെ കരിയറിലെ ആദ്യ യു.എസ് ഓപ്പൺ കിരീടമാണിത്. താരത്തിന്റെ കരിയറിലെ മൂന്നാമത്തെ ഗ്രാൻഡ്സ്ലാം കിരീട നേട്ടമാണിത്. 2022ൽ വിംബിൾഡണും, ഈ വർഷം ഓസ്‌ട്രേലിയൻ ഓപ്പണും റൈബാകിന നേടിയിരുന്നു.

കിരീട നേട്ടത്തോടെ അരീന സബലേങ്കയെ മറികടന്ന് റൈബാകിന വനിതാ ടെന്നീസ് റാങ്കിങ്ങിൽ ലോക ഒന്നാം നമ്പറായി മാറി. കസാഖിസ്ഥാനിൽ നിന്ന് ഈ പദവിയിലെത്തുന്ന ആദ്യ താരമാണ് റൈബാകിന.
ടൂർണമെന്റിലുടനീളം മികച്ച ഫോമിലായിരുന്ന റൈബാകിന, നവോമി ഒസാക്ക, കൊക്കോ ഗൗഫ് തുടങ്ങിയ പ്രമുഖ താരങ്ങളെ പരാജയപ്പെടുത്തിയാണ് ഫൈനലിൽ എത്തിയത്.