അബുദാബി: അങ്കമാലി മേഖലയിലെ പ്രവാസികളുടെ സാമൂഹിക-സാംസ്കാരിക സംഘടനയായ അങ്കമാലി എൻആർഐ അസോസിയേഷൻ അബുദാബിയുടെ പുതിയ ഭരണസമിതി. ലതീഷ് ചുള്ളി (പ്രസിഡന്റ് ), സുരേഷ് പരമേശ്വരൻ (ജനറൽ സെക്രട്ടറി), പ്രകാശ് ജെയ്സൺ (ട്രഷ), ജിനു കെ. പാപ്പച്ചൻ, ഫിമി ഫ്രാൻസിസ് (വൈസ് പ്രസിഡന്റ് ), ഷാജു വർഗീസ്(ജോയിന്റ് സെക്രട്ടറി), മാർട്ടിൻ തോമസ്(ജോയിന്റ് ട്രഷ). വിവിധ വിഭാഗങ്ങളുടെ കൺവീനർമാരും ജോയിന്റ് കൺവീനർമാരും ഉൾപ്പെടുന്ന 30 അംഗ ഭരണസമിതിയാണ് നിലവിൽ വന്നത്.
പ്രസിഡന്റ് ജോജോന്റെ അധ്യക്ഷതയിൽ നടന്ന വാർഷിക പൊതുയോഗത്തിലാണ് പുതിയ പാനലിനെ പ്രഖ്യാപിച്ചത്. വൈസ് പ്രസിഡൻ്റ്മാർട്ടിൻ തോമസ്, നീതു ലതീഷ് എന്നിവർ പ്രസംഗിച്ചു. അങ്കമാലി മുനിസിപ്പാലിറ്റിയിലെയും സമീപ പ്രദേശങ്ങളിലെ 13 പഞ്ചായത്തുകളിലെയും പ്രവാസികളെ അണിനിരത്തി വർഷങ്ങളായി അബുദാബിയിൽ സജീവമായി പ്രവർത്തിക്കുന്ന സംഘടനയാണിത്. അംഗങ്ങളുടെ ക്ഷേമത്തിനും ഉല്ലാസത്തിനുമായി വിവിധ പരിപാടികൾ സംഘടിപ്പിക്കുന്നതിനൊപ്പം നാട്ടിലും പ്രവാസലോകത്തും ജീവകാരുണ്യ, സാമൂഹിക പ്രവർത്തനങ്ങളിൽ സജീവമായി ഇടപെടാൻ അസോസിയേഷൻ ശ്രദ്ധിക്കാറുണ്ടെന്ന് ഭാരവാഹികൾ പറഞ്ഞു.