റാമല്ല – അധിനിവിഷ്ട വെസ്റ്റ് ബാങ്കിലെ കര്മൈ സുര് ജൂതകുടിയേറ്റ കോളനിക്ക് സമീപം പെട്രോള് ബോംബുകള് എറിഞ്ഞ രണ്ട് യുവാക്കളെ കൊലപ്പെടുത്തിയതായി ഇസ്രായില് സൈന്യം അറിയിച്ചു. ടയറുകള്ക്ക് തീയിടുകയും പെട്രോള് ബോംബുകള് കുടിയേറ്റ കോളനിയിലേക്ക് എറിയുകയും ചെയ്ത ഏതാനും പേരെ സൈനികര് തിരിച്ചറിയുകയായിരുന്നു. ഇക്കൂട്ടത്തില് പെട്ട രണ്ടു പേരെ കൊലപ്പെടുത്തിയതായും മൂന്നാമനെ ഗുരതരമായ പരിക്കുകളോടെ അറസ്റ്റ് ചെയ്തതായും സൈന്യം പ്രസ്താവനയില് പറഞ്ഞു. 1967 മുതല് ഇസ്രായില് കൈവശപ്പെടുത്തിയ വെസ്റ്റ് ബാങ്കില് 30 ലക്ഷം പലസ്തീനികളും കിഴക്കന് ജറൂസലം ഒഴികെയുള്ള പ്രദേശങ്ങളില് അഞ്ചു ലക്ഷത്തിലധികം ഇസ്രായിലി കുടിയേറ്റക്കാരും താമസിക്കുന്നു. വെസ്റ്റ് ബാങ്കില് ജൂതകുടിയേറ്റക്കാരുടെ അക്രമം റെക്കോര്ഡ് നിലവാരത്തിലെത്തിയതായും പ്രതിദിനം ശരാശരി ആറ് ആക്രമണങ്ങളുണ്ടാകുന്നതായും ഇവയില് മരണങ്ങളോ നാശനഷ്ടങ്ങളോ സംഭവിക്കുന്നതായും ഐക്യരാഷ്ട്രസഭ അടുത്തിടെ മുന്നറിയിപ്പ് നല്കി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group