ജിദ്ദ – ഹൂത്തി മിലീഷ്യകളുടെ നേതാവ് അബ്ദുല്‍മലിക് അല്‍ഹൂത്തിയുടെ സഹോദരന്‍ അബ്ദുല്‍ഖാലിഖ് അല്‍ഹൂത്തി യെമനില്‍ ഹൂത്തി ലക്ഷ്യങ്ങള്‍ക്കു നേരെ അമേരിക്ക നടത്തിയ ആക്രമണത്തില്‍ കൊല്ലപ്പെട്ടതായി യെമന്‍ സംയുക്ത സേനാ വക്താവ് വദാഹ് അല്‍ദുബൈശ് അറിയിച്ചു. ഹൂത്തികളുടെ ജനറല്‍ സ്റ്റാഫ് (സംയുക്ത സേനാ) മേധാവി മുഹമ്മദ് അബ്ദുല്‍കരീം അല്‍ഗമാരിയും ഏതാനും മുതിര്‍ന്ന ഹൂത്തി നേതാക്കളും സൈനിക മേധാവികളും കൊല്ലപ്പെട്ടിട്ടുണ്ട്. ദിവസങ്ങളായി യെമനിലെങ്ങും ഹൂത്തി കേന്ദ്രങ്ങള്‍ക്കു നേരെ അമേരിക്ക ശക്തമായ വ്യോമാക്രമണം നടത്തിവരികയാണ്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group