ഉത്തര ഗാസയിലെ ഇന്തോനേഷ്യന് ആശുപത്രി ഡയറക്ടര് ഡോ. മര്വാന് അല്സുല്ത്താനും കുടുംബാംഗങ്ങളും ഇസ്രായില് വ്യോമാക്രമണത്തില് കൊല്ലപ്പെട്ടു. ഡോ. മര്വാന് അല്സുല്ത്താന്റെ വീട് ലക്ഷ്യമിട്ടാണ് ഇസ്രായില് വ്യോമാക്രമണം നടത്തിയത്. അതേസമയം, ഹമാസ് പ്രസ്ഥാനത്തിലെ പ്രമുഖ അംഗത്തെ ലക്ഷ്യമിട്ടാണ് ആക്രമണം നടത്തിയതെന്ന് ഇസ്രായില് സൈന്യം പറഞ്ഞു. വടക്കന് ഗാസയിലെ ഇന്തോനേഷ്യന് ആശുപത്രിയുടെ ഡയറക്ടര് ഡോ. മര്വാന് അല്സുല്ത്താനും അദ്ദേഹത്തിന്റെ ഏതാനും കുടുംബാംഗങ്ങളും ഗാസ സിറ്റിയിലെ വീടിനു നേരെയുണ്ടായ ആക്രമണത്തില് രക്തസാക്ഷികളായതായി ഗാസ ആരോഗ്യ മന്ത്രാലയം പ്രസ്താവനയില് പറഞ്ഞു. ഗാസ സിറ്റിക്ക് തെക്ക് പടിഞ്ഞാറുള്ള തല് അല്ഹവാ പ്രദേശത്ത് ഡോ. മര്വാന് അല്സുല്ത്താനും കുടുംബവും താമസിച്ചിരുന്ന അപ്പാര്ട്ട്മെന്റ് ലക്ഷ്യമിട്ടാണ് ഇസ്രായില് വ്യോമാക്രമണം നടത്തിയതെന്നും ആക്രമണത്തില് ഡോ. മര്വാന് അല്സുല്ത്താനും കുടുംബാംഗങ്ങളും കൊല്ലപ്പെട്ടതായും സിവില് ഡിഫന്സ് പറഞ്ഞു.
Thursday, February 26
Breaking:
- വാട്സ്ആപ്പും ടെലഗ്രാമും ഇനി ‘സിം’ ഇല്ലാതെ പ്രവർത്തിക്കില്ല; കേന്ദ്രത്തിന്റെ പുതിയ നിയന്ത്രണം വരുന്നു
- വ്യാജ പാസ്പോര്ട്ടുകള് ഉപയോഗിച്ച് കുവൈത്ത് വിടാന് ശ്രമിച്ച ഏഴ് പേര് അറസ്റ്റില്
- വിവാഹാഭ്യര്ഥന നിരസിച്ചതിന് പെണ്കുട്ടിയെ കുത്തിക്കൊലപ്പെടുത്തി
- ചര്ച്ചകള് പരാജയപ്പെട്ടാല് ഇസ്രായില് ആദ്യം ഇറാനെ ആക്രമിക്കണമെന്ന് അമേരിക്ക
- ചെറിയ പെരുന്നാൾ ദിനത്തിൽ ഹായിൽ ഫുട്ബോൾ ടൂർണ്ണമെന്റ്
