ക്യാംപ്നൗ: സ്പാനിഷ് ലീഗില്‍ ഒന്നാം സ്ഥാനത്തെ ലീഡുയര്‍ത്തി ബാഴ്‌സലോണ. ഇന്ന് നടന്ന മല്‍സരത്തില്‍ സെവിയ്യയെ 5-1ന് പരാജയപ്പെടുത്തിയാണ് ബാഴ്‌സയുടെ നേട്ടം. ലീഗില്‍ 27 പോയിന്റുമായി ബാഴ്‌സ ഒന്നിലാണ്. കറ്റാലന്‍സിനായി റോബര്‍ട്ടോ ലെവന്‍ഡോസ്‌കിയും പാബ്ലോ ടോറെയും ഇരട്ട ഗോള്‍ നേടി. മറ്റൊരു ഗോള്‍ പെഡ്രിയുടെ വകയാണ്.
24, 39 മിനിറ്റുകളിലാണ് ലെവന്‍ഡോസ്‌കി സ്‌കോര്‍ ചെയ്തത്. 82, 88 മിനിറ്റുകളിലാണ് ടോറെ ഗോളടിച്ചത്. പെഡ്രിയുടെ ഗോള്‍ 28ാം മിനിറ്റിലാണ്. ലാമിനെ യമാലും റഫീനയും ഗോളുകള്‍ക്ക് അസിസ്റ്റ് ഒരുക്കി. സ്പാനിഷ് ലീഗില്‍ നടന്ന മറ്റ് മല്‍സരങ്ങളില്‍ അത്‌ലറ്റിക്കോ മാഡ്രിഡ് ലെഗനീസിനെ 3-1ന് പരാജയപ്പെടുത്തി. വിയ്യാറയല്‍-ഗെറ്റഫെ മല്‍സരം 1-1 സമനിലയില്‍ കലാശിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group