മാഞ്ചസ്റ്റര്‍: ഇംഗ്ലിഷ് പ്രീമിയര്‍ ലീഗില്‍ മാഞ്ചസ്റ്റര്‍ യുനൈറ്റഡ് വിജയവഴിയില്‍. ബ്രന്റ്‌ഫോഡിനെതിരേ 2-1നാണ് ചെകുത്താന്‍മാരുടെ ജയം. ഗര്‍ണാഷോ, ഹോയിലുണ്ട് എന്നിവരാണ് സ്‌കോര്‍ ചെയ്തത്. റാഷ്‌ഫോഡും ബ്രൂണോ ഫെര്‍ണാണ്ടസും യുനൈറ്റഡ് ഗോളുകള്‍ക്ക് അസിസ്റ്റ് ഒരുക്കി. ഒരു ഗോളിന് പിന്നില്‍പോയ യുനൈറ്റഡ് രണ്ടാം പകുതിയില്‍ രണ്ട് ഗോള്‍ സ്‌കോര്‍ ചെയ്താണ് ജയം ഉറപ്പിച്ചത്.
മറ്റൊരു മല്‍സരത്തില്‍ ടോട്ടന്‍ഹാം 4-1ന് വെസ്റ്റ്ഹാം യുനൈറ്റഡിനെ പരാജയപ്പെടുത്തി. ആസ്റ്റണ്‍ വില്ല 3-1ന് ഫുള്‍ഹാമിനെയും വീഴ്ത്തി. അതിനിടെ ബ്രിങ്ടണ്‍ ന്യൂകാസില്‍ യുനൈറ്റഡിനെ എതിരില്ലാത്ത ഒരു ഗോളിന് പരാജയപ്പെടുത്തി. ലെസ്റ്റര്‍ സിറ്റി സതാംപ്ടണിനെ 2-3ന് തോല്‍പ്പിച്ചു. ഇപ്‌സ്വിച്ച് ടൗണിനെ എവര്‍ട്ടണ്‍ എതിരില്ലാത്ത രണ്ട് ഗോളുകള്‍ക്ക് പരാജയപ്പെടുത്തി.
ലീഗില്‍ ആസ്റ്റണ്‍ വില്ല നാലാമതും ബ്രിങ്ടണ്‍ അഞ്ചാമതും ടോട്ടന്‍ഹാം ഏഴാമതും ന്യൂകാസില്‍ എട്ടാമതും മാഞ്ചസ്റ്റര്‍ യുനൈറ്റഡ് 10ാമതും നില്‍ക്കുകയാണ്. ലിവര്‍പൂള്‍ ആണ് ഒന്നാം സ്ഥാനത്തുള്ളത്.