റിയാദ്: ഒരു വര്‍ഷത്തെ ഇടവേളയ്ക്ക് ശേഷം ബ്രസീലിയന്‍ സൂപ്പര്‍ താരം നെയ്മര്‍ ജൂനിയര്‍ ഫുട്ബോള്‍ കളത്തിലേക്ക് തിരിച്ചെത്തുന്നു. സൗദി പ്രോ ലീഗ് ക്ലബ്ബ് അല്‍ ഹിലാല്‍ താരമായ നെയ്മര്‍ സെപ്തംബര്‍ 19നാണ് കളത്തില്‍ ഇറങ്ങുക. അല്‍ ഇത്തിഹാദിനെതിരായ മല്‍സരത്തിലാണ് നെയ്മര്‍ ഇറങ്ങുക. നിലവില്‍ സൗദിയിലുള്ള നെയ്മര്‍ ടീമിനൊപ്പം പരിശീലനം തുടങ്ങിയതായാണ് റിപ്പോര്‍ട്ട്.
താരം പൂര്‍ണ്ണ ഫിറ്റ്നെസ് വീണ്ടെടുക്കുന്ന തയ്യാറെടുപ്പിലാണെന്ന് ക്ലബ്ബ് വൃത്തങ്ങള്‍ അറിയിച്ചു. അല്‍ ഹിലാലിന്റെ പ്രീസീസണ്‍ മല്‍സരങ്ങളില്‍ നെയ്മര്‍ പങ്കെടുത്തിരുന്നില്ല. എന്നാല്‍ താരം രണ്ട് മാസമായി പരിശീലനം തുടരുന്നുണ്ട്. സൗദി പ്രൊ ലീഗിലെ റെക്കോഡ് തുകയ്ക്കായിരുന്നു 2023ല്‍ നെയ്മര്‍ അല്‍ ഹിലാലിനൊപ്പം ചേര്‍ന്നത്.അതിനിടെ സൗദിയില്‍ നടക്കുന്ന ഇ സ്പോര്ട്സ് ലോകകപ്പിലെ സെലിബ്രേറ്റി ഷോയില്‍ നെയ്മര്‍ പങ്കെടുത്തേക്കുമെന്ന് റിപ്പോര്‍ട്ടുണ്ട്. കൗണ്ടര്‍ സ്ട്രൈക്ക് 2, റോക്കറ്റ് ലീഗ്, ടെക്കീന്‍ തുടങ്ങിയ മൂന്ന് ഗെയിംമുകളില്‍ താരം പങ്കെടുക്കുമെന്നും വിദേശമാധ്യമങ്ങള്‍ റിപ്പോര്‍ട്ട് ചെയ്യുന്നു.