കോഴിക്കോട്: ലോകഫുട്‌ബോള്‍ ഇതിഹാസം ലയണല്‍ മെസ്സി കേരളത്തില്‍ എത്തുന്നത് ഈ വര്‍ഷം ഒക്ടോബറില്‍. ഒക്ടോബര്‍ 25 മുതല്‍ നവംബര്‍ 2 വരെ അര്‍ജന്റീനന്‍ താരം കേരളത്തിലുണ്ടാവുമെന്ന് കായിക മന്ത്രി വി അബ്ദുറഹ്‌മാന്‍ പറഞ്ഞു. ഇന്റര്‍മിയാമി താരത്തെ കാണാനുള്ള സൗകര്യവും ആരാധകര്‍ക്ക് ഒരുക്കും. ഖത്തറിലെ ലോകകപ്പ് നേട്ടത്തിന് പിന്നാലെ കഴിഞ്ഞ നവംബറിലാണ് കായികമന്ത്രി വി അബ്ദുറഹ്‌മാന്‍ മെസ്സിയടങ്ങുന്ന അര്‍ജന്റീനന്‍ ടീമിനെ കേരളത്തിലെത്തിക്കാമെന്ന് പ്രഖ്യാപിച്ചത്. നേരത്തെ ഈ ഉദ്യമം ഉപേക്ഷിക്കുമെന്ന് റിപ്പോര്‍ട്ടുകള്‍ ഉണ്ടായിരുന്നു. എന്നാല്‍ ഇതെല്ലാം തള്ളിയാണ് പുതിയ പ്രഖ്യാപനം മന്ത്രി നടത്തിയത്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group