മാഞ്ചസ്റ്റര്‍: മാഞ്ചസ്റ്റര്‍ യുനൈറ്റഡിന്റെ പുതിയ കോച്ചായി ചുമതലയേറ്റെടുത്തിരിക്കുകയാണ് മുന്‍ പോര്‍ച്ചുഗല്‍ താരവും സ്‌പോര്‍ട്ടിങ് ലിസ്ബണ്‍ മാനേജറുമായ റൂബന്‍ അമോറിം. ക്ലബ്ബിലേക്ക് വരുന്നതിന് മുമ്പ് തന്നെ സ്‌പോര്‍ട്ടിങ് ലിസ്ബണിലെ ചില താരങ്ങളെ യുനൈറ്റഡിലെത്തിക്കാന്‍ അമോറിം ആലോചിച്ചിരുന്നു. എന്നാല്‍ ആ താരങ്ങളുടെ പേരുകളാണ് ഇപ്പോള്‍ പുറത്ത് വിട്ടിരിക്കുന്നത്.
അടുത്തിടെ യുവേഫാ ചാംപ്യന്‍സ് ലീഗില്‍ മാഞ്ച്‌സറ്റര്‍ സിറ്റിയ്‌ക്കെതിരേ ഹാട്രിക്ക് നേടിയ സ്‌പോര്‍ട്ടിങിന്റെ സ്വീഡിഷ് സ്‌ട്രൈക്കറെ ടീമിലെത്തിക്കാനാണ് യുനൈറ്റഡിന്റെ പ്രധാന തീരുമാനം. 26കാരനായ വിക്ടര്‍ ഗയോകെറസിനെ ജനുവരി ട്രാന്‍സ്ഫര്‍ വിന്‍ഡോയില്‍ ടീമിലെത്തിക്കാനാണ് ചെകുത്താന്‍മാരുടെ ആലോചന. മറ്റൊരു താരം സ്‌പോര്‍ട്ടിങിന്റെ പോര്‍ച്ചുഗല്‍ ടീനേജ് താരമായ ജിവാനി ക്വന്‍ഡയാണ്. 17 കാരനായ വിങറെയും യുനൈറ്റഡ് സ്‌ക്വാഡിലെത്തിക്കാനുള്ള ശ്രമത്തിലാണ്.
സ്‌പോര്‍ട്ടിങ് ലിസ്ബണ്‍ താരങ്ങളായ ഉറുഗ്വെയുടെ ഡിഫന്‍ഡര്‍ മാനുവല്‍ ഉഗാര്‍ട്ടെ, പോര്‍ച്ചുഗലിന്റെ മിഡ്ഫീല്‍ഡര്‍ പെഡ്രോ ഗോണ്‍ക്ലേവ്‌സ്, സ്‌പെയിനിന്റെ പെഡ്രോ പോറോ, ഡാനിഷ് മിഡ്ഫീല്‍ഡര്‍ മോര്‍ട്ടന്‍ ഹജുല്‍മാന്റ് എന്നിവരെയും അമേറിം ടീമിലെത്തിക്കാനുള്ള ശ്രമത്തിലാണ്.