കോഴിക്കോട്: ഹോം ഗ്രൗണ്ടില്‍ ഗോകുലത്തിന് തുടര്‍ച്ചയായ രണ്ടാം ജയം. ഐ ലീഗില്‍ കോഴിക്കോട് നടന്ന മത്സരത്തില്‍ ബെംഗളൂരു എസ് സിയെ തോല്‍പിച്ചത് എതിരില്ലാത്ത രണ്ട് ഗോളുകള്‍ക്കാണ്. സ്പാനിഷ് താരം അബലഡയാണ് രണ്ട് ഗോളും നേടിയത്. ആദ്യ പകുതിയില്‍ എട്ടാം മിനിറ്റിലും രണ്ടാം പകുതിയില്‍ 90-ാം മിനിറ്റിലുമായിരുന്നു അബെലെഡോയുടെ ഗോളുകള്‍. 11 മത്സരങ്ങളില്‍ നിന്ന് 19 പോയിന്റുമായി ഗോകുലം മൂന്നാം സ്ഥാനത്ത് എത്തി.
പോയിന്റ് പട്ടികയില്‍ അവസാന സ്ഥാനത്താണ് എസ്‌സി ബെംഗളൂരു. 11 മത്സരം പൂര്‍ത്തിയാക്കിയ ഗോകുലം രണ്ട് മത്സരങ്ങളില്‍ മാത്രമാണ് തോല്‍വി അറിഞ്ഞിട്ടുള്ളത്. അഞ്ച് മത്സരങ്ങള്‍ വിജയിച്ചപ്പോള്‍ നാല് മത്സരങ്ങള്‍ സമനിലയില്‍ കലാശിച്ചു. 11 മത്സരങ്ങള്‍ കളിച്ച ബെംഗളൂരു രണ്ട് മത്സരങ്ങളില്‍ മാത്രമാണ് വിജയം അറിഞ്ഞിട്ടുള്ളൂ.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group