ലണ്ടന്‍: ഇംഗ്ലിഷ് പ്രീമിയര്‍ ലീഗില്‍ വിജയപാതയില്‍ തിരിച്ചെത്തി ടെന്‍ ഹാഗിന്റെ മാഞ്ചസ്റ്റര്‍ യുനൈറ്റഡ്. സതാംപ്ടണിനെതിരേ മൂന്ന് ഗോളിന്റെ ജയമാണ് യുനൈറ്റഡ് നേടിയത്. ഡി ലിറ്റ്, മാര്‍ക്കസ് റാഷ്‌ഫോഡ്, ഗര്‍ണാഷോ എന്നിവരാണ് യുനൈറ്റഡിനായി സ്‌കോര്‍ ചെയ്തത്. തുടര്‍ച്ചയായ തോല്‍വികളെ തുടര്‍ന്ന് കോച്ച് ടെന്‍ ഹാഗിനെ യുനൈറ്റഡ് ഒഴിവാക്കാന്‍ തീരുമാനിക്കുന്നതിനിടെയാണ് ടീമിന്റെ ജയം.
മറ്റൊരു മല്‍സരത്തില്‍ ലിവര്‍പൂള്‍ ഇത്തിരികുഞ്ഞന്‍മാരായ നോട്ടിങ്ഹാം ഫോറസ്റ്റിനോട് എതിരില്ലാത്ത ഒരു ഗോളിന് പരാജയപ്പെട്ടു.
ബ്രന്റ്‌ഫോഡിനെ 2-1ന് പരാജയപ്പെടുത്ത മാഞ്ച്‌സറ്റര്‍ സിറ്റി ജയപരമ്പര തുടര്‍ന്നു. ടീമിന്റെ ഗോളടി മെഷീന്‍ എര്‍ലിങ് ഹാലന്റ് മല്‍സരത്തില്‍ ഇരട്ടഗോള്‍ നേടി. മറ്റൊരു മല്‍സരത്തില്‍ ചെല്‍സി എഎഫ്‌സി ബേണ്‍മൗത്തിനെ എതിരില്ലാത്ത ഒരു ഗോളിന് പരാജയപ്പെടുത്തി. ചെല്‍സിയ്ക്കായി എന്‍കുന്‍ക്കു സ്‌കോര്‍ ചെയ്തു. എവര്‍ട്ടണെ ആസ്റ്റണ്‍ വില്ല 3-2ന് പരാജയപ്പെടുത്തി.
സ്പാനിഷ് ലീഗില്‍ ഇന്ന് നടന്ന മല്‍സരങ്ങളില്‍ റയല്‍ മാഡ്രിഡ് റയല്‍ സോസിഡാഡിനെ എതിരില്ലാത്ത രണ്ട് ഗോളിന് പരാജയപ്പെടുത്തി. റയലിനായി കിലിയന്‍ എംബാപ്പെയും വിനീഷ്യസ് ജൂനിയറും സ്‌കോര്‍ ചെയ്തു. രണ്ട് ഗോളുകളും പെനാല്‍റ്റി ആയിരുന്നു.