മഞ്ചേരി: സൂപ്പര്‍ ലീഗ് കേരളയില്‍ മിന്നും ജയവുമായി കാലിക്കറ്റ് എഫ് സി. മലപ്പുറത്തിന്റെ ഹോം ഗ്രൗണ്ടില്‍ മലപ്പുറം എഫ്‌സിക്കെതിരേ നടന്ന മല്‍സരത്തില്‍ എതിരില്ലാത്ത മൂന്ന് ഗോളിനാണ് കാലിക്കറ്റിന്റെ ജയം. കാലിക്കറ്റിനായി വടകരയുടെ ഗനി അഹമ്മദ് നിഗം ഇരട്ട ഗോള്‍ നേടി. 22ാം മിനിറ്റിലും ഇഞ്ചുറി ടൈമിലുമായാണ് ഗനി ഇരട്ട ഗോള്‍ നേടിയത്. കാലിക്കറ്റിന്റെ മറ്റൊരു ഗോള്‍ മുന്‍ ബ്ലാസ്‌റ്റേഴ്‌സ് താരം കെര്‍വന്‍സ് ബെല്‍ഫോര്‍ട്ടിന്റെ വക 62ാം മിനിറ്റിലാണ്. മലപ്പുറത്തിന്റെ ആദ്യ തോല്‍വിയാണ്. ആദ്യ മല്‍സരത്തില്‍ ഫോഴ്‌സ കൊച്ചിയെ മലപ്പുറം പരാജയപ്പെടുത്തിയിരുന്നു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group