ജിദ്ദ – സൗദി പ്രൊ ലീഗിന്റെ എട്ടാം റൗണ്ട് മത്സരത്തിൽ നിലവിലെ ചാമ്പ്യന്മാരായ അൽ ഇത്തിഹാദിനെ അട്ടിമറിച്ച് അൽ അഹ്ലി. ഇത്തിഹാദിന്റെ തട്ടകത്തിൽ നടന്ന മത്സരത്തിൽ ഏകപക്ഷീയമായ ഒരു ഗോളിനാണ് അഹ്ലി വിജയം പിടിച്ചെടുത്തത്. സന്ദർശകർക്കുവേണ്ടി വല കുലുക്കിയത് അൾജീരിയൻ സൂപ്പർതാരമായ റിയാദ് മെഹറസാണ്.
മത്സരത്തിന്റെ ആദ്യ പകുതിയിൽ ഇരു ടീമുകൾക്കും വലിയ അവസരങ്ങൾ ലഭിച്ചിരുന്നില്ല. 55-ാം മിനുറ്റിൽ ഇത്തിഹാദ് പ്രതിരോധങ്ങൾക്ക് പറ്റിയ പിഴവ് മുതലെടുത്ത് അൾജീരിയൻ താരം പന്തു വലയിലാക്കി. പിന്നീട് പ്രതിരോധത്തിന് പ്രാധാന്യം നൽകി അഹ്ലി വിജയം നേടുകയായിരുന്നു.
മത്സരത്തിന്റെ 69 ശതമാനവും പന്ത് കൈവശം വച്ചത് അൽ ഇത്തിഹാദണെങ്കിലും കാര്യമുണ്ടായില്ല. ഇതോടെ എട്ടു മത്സരങ്ങളിൽ നാലു വീതം വിജയവും സമനിലയുമടക്കം 16 പോയിന്റുമായി അഹ്ലി അഞ്ചാമതാണ്. എട്ടു കളിയിൽ 11 പോയിന്റ് മാത്രം നേടിയ നിലവിലെ ചാമ്പ്യന്മാർ എട്ടാം സ്ഥാനത്താണ്.
മറ്റൊരു മത്സരത്തിൽ എതിരില്ലാത്ത മൂന്ന് ഗോളുകൾക്ക് അൽ നസ്ർ നീയോമിനെ തകർത്തു. നീയോമിന്റെ തട്ടകത്തിൽ നടന്ന മത്സരത്തിൽ നസ്റിന് വേണ്ടി എയ്ഞ്ചലോ ഗബ്രിയേൽ (47-ാം മിനുറ്റ് ), സൂപ്പർതാരം ക്രിസ്ത്യാനോ റൊണാൾഡോ ( പെനാൽറ്റി, 65), ജാവോ ഫെലിക്സ് ( 86) എന്നിവരാണ് വല കുലുക്കിയത്. ആതിഥേയർക്ക് വേണ്ടി ആശ്വാസ ഗോൾ നേടിയത് അഹമ്മദ് അബ്ദുവാണ് ( 86). എട്ടു മത്സരങ്ങളിൽ എട്ടു വിജയിച്ച അൽ നസ്ർ നിലവിൽ കിരീടം പോരാട്ടത്തിൽ ഒന്നാമതാണ്.
മറ്റു മത്സരം
അൽ ശബാബ് – 1 ( അബ്ദുൽ അസീസ് അൽ ഉത്മാൻ – 13-ാം മിനുറ്റ്)
അൽ ഇത്തിഫാക്ക് – 1 (ജോർജീനിയോ വൈനാൾഡം – 86, പെനാൽറ്റി )