റിയാദ്: സൗദി പ്രോ ലീഗില്‍ അല്‍ നസറിന് മിന്നും ജയം. അല്‍ ഇത്തിഫാഖിനെതിരേ മൂന്ന് ഗോളിന്റെ ജയമാണ് അല്‍ നസര്‍ നേടിയത്. ക്രിസ്റ്റ്യാനോ റൊണാള്‍ഡോയും മല്‍സരത്തില്‍ സ്‌കോര്‍ ചെയ്തു. എസ് അല്‍ നജ്ദി, തലിസ്‌ക എന്നിവരും അല്‍ നസറിനായി സ്‌കോര്‍ ചെയ്തു. ജയത്തോടെ അല്‍ നസര്‍ ലീഗില്‍ നാലാം സ്ഥാനത്തെത്തി.
33ാം മിനിറ്റില്‍ ക്രിസ്റ്റ്യാനോ റൊണാള്‍ഡോ ഒരു പെനാല്‍റ്റി ഗോളാക്കി മാറ്റുകയായിരുന്നു. 56-ാം മിനിറ്റില്‍ സാദിയോ മാനെയുടെ അസിസ്റ്റില്‍ എസ്.അല്‍-നജ്ദി ലീഡ് ഡബിളാക്കി. എഴുപതാം മിനിറ്റില്‍ താലിസ്‌ക അവസാന ഗോള്‍ നേടി. സാദിയോ മാനെയുടെ അസിസ്റ്റില്‍ ആയിരുന്നു ഈ ഗോള്‍. ഇത്തിഫാഖിന്റെ സീസണിലെ ആദ്യ തോല്‍വിയാണ്. ഇത്തിഫാഖ് ലീഗില്‍ മൂന്നാം സ്ഥാനത്താണ്. അല്‍ നസറിന് സീസണില്‍ രണ്ട് ജയങ്ങളും രണ്ട് സമനിലയുമാണുള്ളത്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group