സാവോപോളോ: അടുത്ത മാസം നടക്കുന്ന ലോകകപ്പ് യോഗ്യതാ മല്‍സരങ്ങള്‍ക്കായുള്ള ബ്രസീല്‍ സ്‌ക്വാഡിനെ പ്രഖ്യാപിച്ചു. പരിക്കില്‍ നിന്നും പൂര്‍ണ്ണമായും മുക്തനാവാത്ത നെയ്മറെ സ്‌ക്വാഡില്‍ ഉള്‍പ്പെടുത്തിയിട്ടില്ല. റഫീനാ, കാസിമറോ എന്നീ താരങ്ങള്‍ക്കും സ്‌ക്വാഡില്‍ ഉള്‍പ്പെടാന്‍ സാധിച്ചിട്ടില്ല. 17കാരനായ എസ്റ്റാവോ വില്ല്യന്‍ ടീമില്‍ ഇടം നേടി. മറ്റൊരു ടീനേജ് താരം എന്‍ഡ്രിക്കും സ്‌ക്വാഡില്‍ ഇടം കണ്ടെത്തി. നിലവില്‍ യോഗ്യതാ റൗണ്ടില്‍ ബ്രസീല്‍ ആറാം സ്ഥാനത്താണ്. ഇക്വഡോറിനെതിരേ സെപ്തംബര്‍ ആറിനും പരാഗ്വെയ്‌ക്കെതിരേ സെപ്തംബര്‍ 10നുമാണ് ബ്രസീലിന്റെ മല്‍സരങ്ങള്‍.നിലവില്‍ നെയ്മര്‍ അല്‍ ഹിലാല്‍ ടീമിനൊപ്പം റിയാദില്‍ പരിശീലനം നടത്തുന്നുണ്ട്.
ഗോള്‍കീപ്പര്‍മാര്‍: അലിസണ്‍, ബെന്റോ, എഡേഴ്‌സണ്‍.
ഡിഫന്‍ഡര്‍മാര്‍: ഡാനിലോ, യാന്‍ കൂട്ടോ, ഗില്‍ഹെര്‍ം അരാന, വെന്‍ഡല്‍, ബെറാള്‍ഡോ, എഡര്‍ മിലിറ്റാവോ, ഗബ്രിയേല്‍ മഗല്‍ഹേസ്, മാര്‍ക്വിനോസ്.
മിഡ്ഫീല്‍ഡര്‍മാര്‍: ആന്ദ്രെ, ബ്രൂണോ ഗ്വിമാരേസ്, ഗെര്‍സണ്‍, ജോവോ ഗോമസ്, ലൂക്കാസ് പാക്വെറ്റ.
ഫോര്‍വേഡുകള്‍: റോഡ്രിഗോ, എന്‍ട്രിക്ക്, എസ്റ്റെവോ, ലൂയിസ് ഹെന്റിക്, പെഡ്രോ, സാവിഞ്ഞോ, വിനീഷ്യസ് ജൂനിയര്‍