ക്യാപ്‌നൗ: യുവേഫാ ചാംപ്യന്‍സ് ലീഗില്‍ ബാഴ്‌സലോണയ്ക്ക് ഞെട്ടിക്കുന്ന തോല്‍വി. ഫ്രഞ്ച് ക്ലബ്ബ് മൊണാക്കോയാണ് സ്പാനിഷ് വമ്പന്‍മാരെ പരാജയപ്പെടുത്തിയത്. 2-1നാണ് കറ്റാലന്‍സിന്റെ പരാജയം. അക്കിലൗഷേ(16) മൊണആക്കോയ്ക്കായി ലീഡ് നല്‍കിയിരുന്നു. ഇതിന് മറുപടിയായി 28ാം മിനിറ്റില്‍ ലാമിന്‍യമാല്‍ ബാഴ്‌സയ്ക്ക് മറുപടി നല്‍കിയിരുന്നു. എന്നാല്‍ 71ാം മിനിറ്റില്‍ ഇല്ലേനിഖേനയിലൂടെ മൊണാക്കോ തിരിച്ചടിച്ചു. രണ്ട് ഗോളിനും അസിസ്റ്റ് ഒരുക്കിയത് വാന്‍ഡേഴ്‌സണ്‍ ആയിരുന്നു. 10ാം മിനിറ്റില്‍ എറിക് ഗാര്‍ഷ്യയാ ചുവപ്പ് കാര്‍ഡ് കണ്ട് പുറത്തായത് ബാഴ്‌സയ്ക്ക് തിരിച്ചടിയാവുകയായിരുന്നു.
മറ്റൊരു മല്‍സരത്തില്‍ ഇംഗ്ലിഷ് പ്രീമിയര്‍ ലീഗ് വമ്പന്‍മാരായ ആഴ്‌സണലിനെ ഇറ്റാലിയന്‍ ശക്തരായ അറ്റ്‌ലാന്റ ഗോള്‍രഹിത സമനിലയില്‍ പൂട്ടി.
സ്പാനിഷ് ക്ലബ്ബ് അത്‌ലറ്റിക്കോ മാഡ്രിഡ് ജര്‍മ്മന്‍ പ്രമുഖര്‍ ആര്‍ ബി ലെപ്‌സിഗിനെ 2-1ന് വീഴ്ത്തി. അന്റോണിയോ ഗ്രീസ്മാന്‍, ജിമെന്‍സ് എന്നിവരാണ് അത്‌ലറ്റിക്കോയ്ക്കായി സ്‌കോര്‍ ചെയ്തവര്‍.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group