ലിസ്ബണ്‍: യുവേഫാ യൂറോപ്പാ ലീഗില്‍ മാഞ്ചസ്റ്റര്‍ യുനൈറ്റഡിന് സമനില. പോര്‍ച്ചുഗല്‍ ക്ലബ്ബ് എഫ് സി പോര്‍ട്ടോയോടാണ് മാഞ്ചസ്റ്റര്‍ സമനില പിടിച്ചത്. റാഷ്‌ഫോഡ്, ഹോയിലൂണ്‍ഡ്, മാഗ്വിയര്‍ എന്നിവരാണ് യുനൈറ്റഡിനായി സ്‌കോര്‍ ചെയ്തത്. പെപ്പെ, സാമൂ ഒമോറോദിന്‍(ഡബിള്‍) എന്നിവര്‍ പോര്‍ട്ടോയ്ക്കായി സ്‌കോര്‍ ചെയ്തു. ഇഞ്ചുറി ടൈമില്‍ യുനൈറ്റഡ് താരം ബ്രൂണോ ഫെര്‍ണാണ്ടസ് ചുവപ്പ് കാര്‍ഡ് കണ്ട് പുറത്തായി.
മറ്റൊരു മല്‍സരത്തില്‍ റേയ്‌ഞ്ചേഴ്‌സ് ഫ്രഞ്ച് ക്ലബ്ബ് ലിയോണിനോട് 4-1ന്റെ ഞെട്ടിക്കുന്ന പരാജയം വരിച്ചു. ഫ്രഞ്ച് ക്ലബ്ബ് നൈസിനോട് ഇറ്റാലിയന്‍ ശക്തികളായ ലാസിയോ 4-1ന് പരാജയപ്പെട്ടു.മറ്റ് മല്‍സരങ്ങളില്‍ ടോട്ടന്‍ഹാം ജയം വരിച്ചപ്പോള്‍ റയല്‍ സോസിഡാഡ് ബെല്‍ജിയം ക്ലബ്ബ് ആന്‍ഡെര്‍ലെച്ചന്റിനോട് പരാജയപ്പെട്ടു. യുവേഫാ കോണ്‍ഫറന്‍സ് ലീഗില്‍ ബെല്‍ജിയം ക്ലബ്ബ് ജെന്റിനെതിരേ ചെല്‍സി 4-2ന്റെ ജയം നേടി.