വിഗോ: സ്പാനിഷ് ലീഗില്‍ സെല്‍റ്റാ വീഗോയെ തകര്‍ത്ത് അത്‌ലറ്റിക്കോ മാഡ്രിഡ്. ഈ സീസണില്‍ മാഞ്ചസ്റ്റര്‍ സിറ്റിയില്‍ നിന്നെത്തിയ അര്‍ജന്റീനന്‍ സൂപ്പര്‍ താരം ജൂലിയന്‍ അല്‍വാരസാണ് അത്‌ലറ്റിക്കോയുടെ വിജയ ഗോള്‍ നേടിയത്. സബ്‌സ്റ്റിറ്റിയൂട്ടായി ഇറങ്ങിയാണ് അല്‍വാരസ് സ്‌കോര്‍ ചെയ്തത്. ഫ്രഞ്ച് സൂപ്പര്‍ താരം അന്റോണിയോ ഗ്രീസ്മാന്‍ നല്‍കിയ ക്രോസ് അല്‍വാരസ് ഗോളാക്കുകയായിരുന്നു. അത്‌ലറ്റിക്കോയ്‌ക്കെതിരേ മികച്ച നീക്കങ്ങള്‍ നടത്താന്‍ സെല്‍റ്റയ്ക്കായിരുന്നു.
അടുത്ത ഞായറാഴ്ച ചാംപ്യന്‍മാരായ റയല്‍ മാഡ്രിഡിനെതിരേ ഇറങ്ങുന്ന അത്‌ലറ്റിക്കോ ഈ വിജയം മുതല്‍ക്കൂട്ടാവും. മാഡ്രിഡ് ഡെര്‍ബിയില്‍ തീപ്പാറുമെന്നാണ് അത്‌ലറ്റിക്കോ കോച്ച് സിമിയോണി പറയുന്നത്. ലീഗില്‍ റയല്‍ രണ്ടാമതും അത്‌ലറ്റിക്കോ രണ്ട് പോയിന്റ് വ്യത്യാസത്തില്‍ മൂന്നാം സ്ഥാനത്തുമാണ്. ഈ മല്‍സരത്തില്‍ ജയിച്ചാല്‍ അത്‌ലറ്റിക്കോയ്ക്ക് റയലിനെ പിന്തള്ളി രണ്ടാം സ്ഥാനത്തെത്താം. ബാഴ്‌സലോണയാണ് ഒന്നാമതുള്ളത്.3