കൊല്‍ക്കത്ത: ഡ്യൂറന്റ് കപ്പ് ഫുട്ബോളിലെ മിന്നും പ്രകടനം തുടര്‍ന്ന് കേരള ബ്ലാസ്റ്റേഴ്സ്. ഗ്രൂപ്പ് സിയില്‍ കഴിഞ്ഞ ദിവസം നടന്ന മത്സരത്തില്‍ സി.ഐ.എസ്.എഫിനെ എതിരില്ലാത്ത ഏഴു ഗോളുകള്‍ക്കാണ് ബ്ലാസ്റ്റേഴ്സ് തകര്‍ത്തത്. ടൂര്‍ണമെന്റിലെ രണ്ടാം ഹാട്രിക്ക് നേടിയ നേഹ സദോയിയുടെ തകര്‍പ്പന്‍ പ്രകടനമാണ് ടീമിന് വന്‍ ജയം ഒരുക്കിയത്. ജയത്തോടെ മൂന്ന് കളികളില്‍ നിന്ന് ഏഴു പോയിന്റുമായി ഗ്രൂപ്പില്‍ ബ്ലാസ്റ്റേഴ്സ് ഒന്നാമതാണ്. ജയത്തോടെ ബ്ലാസ്റ്റേഴ്സ് നോക്കൗട്ടിലെത്തി.
ആദ്യ പകുതിയില്‍ തന്നെ ആറു ഗോളിന് മുന്നിലായിരുന്നു ബ്ലാസ്റ്റേഴ്സ്. ഹാട്രിക്ക് നേടിയ സദോയിക്കൊപ്പം ക്വാമി പെപ്ര, മുഹമ്മദ് ഐമന്‍, നവോച്ച സിങ്, മുഹമ്മദ് അസ്ഹര്‍ എന്നിവരാണ് ടീമിനായി ഗോളടിച്ചത്.നേരത്തെ മുംബൈ സിറ്റിക്കെതിരേ എട്ട് ഗോളിന്റെ ജയവും ബ്ലാസ്റ്റേഴ്സ് നേടിയിരുന്നു. ആറാം മിനിറ്റില്‍ പെപ്ര, ഒമ്പതാം മിനിറ്റില്‍ നോഹ, 16ാം മിനിറ്റില്‍ ഐമന്‍ (രണ്ടാം ഗോള്‍), 20ാം മിനിറ്റില്‍ നോഹ (രണ്ടാം ഗോള്‍), 25ാം മിനിറ്റില്‍ നവോച, 44ാം മിനിറ്റില്‍ അസ്ഹര്‍, 89ാം മിനിറ്റില്‍ നോഹ (ഹാട്രിക്ക് ഗോള്‍) എന്നിവരാണ് മഞ്ഞപ്പടയ്ക്കായി ഇന്ന് സ്‌കോര്‍ ചെയ്തത്.