ലണ്ടന്: യുവേഫാ ചാംപ്യന്സ് ലീഗില് ലിവര്പൂളിന്റെ അപരാജിത കുതിപ്പിന് പിഎസ് വി ബ്ലോക്ക്. ഗ്രൂപ്പ് ഘട്ടത്തിലെ അവസാന മല്സരത്തിലാണ് ലിവര്പൂള് പരാജയം ഏറ്റുവാങ്ങിയത്. ഏഴ് മല്സരങ്ങള് തുടര്ച്ചയായി വിജയിച്ച ലിവര്പൂളിനെ പിഎസ് വി 3-2നാണ് വീഴ്ത്തിയത്. പരാജയപ്പെട്ടെങ്കിലും ലീഗില് ഒന്നാം സ്ഥാനക്കാരായാണ് ലിവര്പൂള് പ്രീക്വാര്ട്ടറില് സ്ഥാനം നേടിയത്.മറ്റൊരു മല്സരത്തില് അറ്റ്ലാന്റെ 2-2ന് ബാഴ്സലോണയെ സമനിലയില് കുരുക്കി. ബാഴ്സ ലീഗില് രണ്ടാം സ്ഥാനക്കാരായാണ് പ്രീക്വാര്ട്ടര് ഉറപ്പിച്ചത്.
ജിറോണയെ 2-1ന് പരാജയപ്പെടുത്തി ആഴ്സണലും അവസാന 16ല് ഇടം നേടി. ആഴ്സണല് ലീഗില് മൂന്നാം സ്ഥാനക്കാരായാണ് ഫിനിഷ് ചെയ്തത്.മൊണാക്കോയെ എതിരില്ലാത്ത മൂന്ന് ഗോളിന് പരാജയപ്പെടുത്തി ഇന്റര്മിലാന് നാലാം സ്ഥാനത്ത് ഫിനിഷ് ചെയ്തു. റെഡ് ബുള് സാല്സ്ബര്ഗിനെ 4-1ന് പിന്തള്ളി അത്ലറ്റിക്കോ മാഡ്രിഡ് അഞ്ചാം സ്ഥാനത്ത് ഫിനിഷ് ചെയ്ത് പ്രീക്വാര്ട്ടര് ഉറപ്പിച്ചു.
സ്പാര്ട്ടാ പ്രാഗിനെ എതിരില്ലാത്ത രണ്ട് ഗോളിന് മറികടന്നാണ് ബയേണ് ലെവര്കൂസന് ആറാം സ്ഥാനവുമായി അവസാന 16ലേക്ക് കരകയറിയത്. ഫെയ്നൂര്ദിനെ 6-1ന് പരാജയപ്പെടുത്തി ലിലെ ഏഴാം സ്ഥാനത്തെത്തി. സെല്റ്റിക്കിനെ 4-2ന് പരാജയപ്പെടുത്തി ആസ്റ്റണ് വില്ലയും ആദ്യ എട്ടുസ്ഥാനങ്ങളില് ഫിനിഷ് ചെയ്തു.