വിവാഹത്തിൽ പങ്കെടുക്കാനെത്തിയ യുവാവ് ഫ്‌ളാറ്റിന് മുകളിൽനിന്ന് വീണ് മരിച്ചു

കോട്ടയം: ഭരണങ്ങാനത്ത് ഫ്‌ളാറ്റിന് മുകളിലെ ബാൽക്കണിയിൽനിന്ന് വീണ് യുവാവ് മരിച്ചു. കോതമംഗലം സ്വദേശി അമ്പാടി സന്തോഷാണ് മരിച്ചത്. തിങ്കളാഴ്ച പുലർച്ചെയാണ് സംഭവം.

ഒരു വിവാഹച്ചടങ്ങിൽ പങ്കെടുക്കാനെത്തിയ യുവാവും സുഹൃത്തുക്കളും ഫ്‌ളാറ്റിൽ മുറിയെടുക്കുകയായിരുന്നു. ബാൽക്കണിയിൽ നിന്ന് കാൽവഴുതി താഴേക്ക് വീണാണ് അപകടം. ഉടനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

പാലാ പോലീസ് സ്ഥലത്തെത്തി തുടർ നടപടികൾ സ്വീകരിച്ചു. പോസ്റ്റ്‌മോർട്ടത്തിനുശേഷം മൃതദേഹം ബന്ധുക്കൾക്ക് കൈമാറുമെന്ന് പോലീസ് പറഞ്ഞു.