തിരൂർ– വിസ്ഡം ഇസ്ലാമിക് ഓർഗനൈസേഷൻ മലപ്പുറം വെസ്റ്റ്, സൗത്ത് ജില്ലാ സമിതികൾ ചേർന്ന് സംഘടിപ്പിക്കുന്ന ജില്ലാ ഹജ്ജ് പഠന ക്യാമ്പ് ഏപ്രിൽ 5 ഞായർ രാവിലെ 8.30 മുതൽ 12.30 വരെ ആലത്തിയൂർ ദാറുൽ ഖുർആൻ ക്യാമ്പസ് ഓഡിറ്റോറിയത്തിൽ വച്ച് നടക്കും. പ്രമുഖ ഖുർആൻ വിവർത്തകനും പണ്ഡിതനുമായ കുഞ്ഞുമുഹമ്മദ് മദനി പറപ്പൂർ നേതൃത്വം നൽകും. പണ്ഡിതന്മാരായ ഹംസ മദീനീ, ഹംസ ജമാലി എന്നിവർ ക്ലാസുകൾ നയിക്കും. സംശയനിവാരണത്തിന് അവസരം ഉണ്ടായിരിക്കും.
ആലത്തിയൂരിൽ ചേർന്ന സ്വാഗതസംഘം യോഗം പരിപാടികൾക്ക് അന്തിമരൂപം നൽകി. വിസ്ഡം ഇസ്ലാമിക് ഓർഗനൈസേഷൻ സംസ്ഥാന സെക്രട്ടറി ഡോ ഷാനവാസ് പറവണ്ണ ഉദ്ഘാടനം ചെയ്തു. അബ്ദുസമദ് മാസ്റ്റർ പുറങ്ങ് അധ്യക്ഷത വഹിച്ചു. കെടി നറുദ്ദീൻ താനാളൂർ, ഫഹദ് അൻസാരി, ഡോ. വി അബ്ദുല്ലത്തീഫ്, അബ്ദുറസാഖ് ആലത്തിയൂർ, എന്നിവർ സംസാരിച്ചു. സ്വാഗതസംഘം ചെയർമാനായി. കെ ടി നൂറുദ്ദീൻ താനാളൂരിനെയും. കൺവീനറായി അബ്ദുസമദ് മാസ്റ്റർ പുറങ്ങിനെയും തിരഞ്ഞെടുത്തു.
വീഡിയോ പ്രസന്റഷനോടുകൂടി നടത്തുന്ന പരിശീലനത്തിൽ പങ്കെടുക്കാൻ താല്പര്യമുള്ളവർ താഴെപ്പറയുന്ന നമ്പറിൽ രജിസ്റ്റർ ചെയ്യേണ്ടതാണ്
9496844481
9387460373
9400568583