ജമ്മുവിൽ ബസിനുനേരെ ഭീകരാക്രമണം; മൂന്നുപേർ കൊല്ലപ്പെട്ടു

ലഡാക്ക് – ജമ്മു കശ്മീരിൽ ബസിനുനേരെയുള്ള ഭീകരരുടെ വെടിവെപ്പിൽ മൂന്ന് പേർ കൊല്ലപ്പെട്ടു. റിയാസി ജില്ലയിലെ ഒരു ദേവാലയത്തിൽ നിന്ന് തീർത്ഥാടകരുമായി പോവുകയായിരുന്ന ബസിനുനേരെയാണ് വെടിവെപ്പുണ്ടായത്. ശിവ്‌ഖോഡ ക്ഷേത്രത്തിൽനിന്ന് കത്രയിലേക്ക് പോകുകയായിരുന്ന ബസിന് നേരെയാണ് ഭീകരർ നിറയൊഴിച്ചത്.
ആക്രമണത്തെ കുറിച്ച് വിവരം ലഭിച്ചതിനെ തുടർന്ന് പോലീസ് സംഘം സ്ഥലത്തെത്തി കർശന പരിശോധന തുടരുകയാണ്. രജൗരി, പൂഞ്ച്, റിയാസി എന്നീ ഭാഗങ്ങളിൽ ഒളിച്ചിരിക്കുന്നത് ഇതേ ഭീകരസംഘമാണെന്നും ശക്തമായ തുടർ നടപടികൾ ജാഗ്രതയോടെ തുടരുകയാണെന്ന് പോലീസ് പ്രതികരിച്ചു.