കോഴിക്കോട് – തപാൽ വോട്ടെണ്ണി ആദ്യ അമ്പത് മിനുട്ട് പിന്നിട്ടിട്ടും ലീഡ് നില കാണിക്കാത്ത വടകരയിൽ ആദ്യ ലീഡ് യു.ഡി.എഫ് സ്ഥാനാർത്ഥി ഷാഫി പറമ്പിലിന് അനുകൂലം. ശക്തമായ മത്സരം നടന്ന മണ്ഡലത്തിൽ മുൻ മന്ത്രിയും സി.പി.എം കേന്ദ്ര കമ്മിറ്റി അംഗവുമായ കെ.കെ ശൈലജ ടീച്ചറാണ് ഷാഫിയുടെ എതിരാളി.
കേരളത്തിലെ 20 സീറ്റുകളിലെ ലീഡ് നിലയിൽ 13 ഇടത്ത് യു.ഡി.എഫും നാലിടത്ത് എൽ.ഡി.എഫും മൂന്നു സീറ്റിൽ എൻ.ഡി.എയും മുന്നിട്ടുനിൽക്കുന്നു. ആലപ്പുഴയിൽ ശോഭ സുരേന്ദ്രനും തൃശൂരിൽ നടൻ സുരേഷ് ഗോപിയും തിരുവനന്തപുരത്ത് രാജീവ് ചന്ദ്രശേഖരനുമാണ് ബി.ജെ.പിക്കായി ലീഡ് തിരിച്ചുപിടിച്ചത്.
വയനാടിന് പുറമെ യു.പിയിലെ റായ്ബറേലിയിലും കോൺഗ്രസ് സ്ഥാനാർത്ഥി രാഹുൽഗാന്ധി ലീഡ് ചെയ്യുകയാണ്. തമിഴ്‌നാട്ടിൽ കോൺഗ്രസ്-ഡി.എംകെ നേതൃത്വത്തിലുള്ള ഇന്ത്യ സഖ്യത്തോടൊപ്പം മത്സരിച്ച സി.പി.എമ്മും രണ്ട് സീറ്റിലും മുന്നണിലാണ്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group