പ്ലസ് വൺ സീറ്റ് പ്രശ്‌നം; വിദ്യാഭ്യാസ മന്ത്രി വിളിച്ച യോഗത്തിൽ പ്രതിഷേധിച്ച എം.എസ്.എഫ് നേതാവിനെ അറസ്റ്റുചെയ്തു

തിരുവനന്തപുരം – മധ്യവേനലവധി കഴിഞ്ഞ് സ്‌കൂൾ തുറക്കുന്നതുമായി ബന്ധപ്പെട്ട വിഷയങ്ങളിൽ വിദ്യാഭ്യാസ മന്ത്രി വി ശിവൻകുട്ടി വിളിച്ചുചേർത്ത യോഗത്തിൽ പ്രതിഷേധിച്ച എം.എസ്.എഫ് നേതാവിനെ പോലീസ് അറസ്റ്റ്‌ചെയ്തു. മലബാറിലെ പ്ലസ് വൺ സീറ്റ് വിഷയം ഉയർത്തി പ്രതിഷേധിച്ച എം.എസ്.എഫ് സംസ്ഥാന സെക്രട്ടറി നൗഫലിനെയാണ് പോലീസ് അറസ്റ്റ് ചെയ്തത്.
45,530 സീറ്റ് മലബാറിന്റെ അവകാശമാണെന്നും മലബാർ കേരളത്തിലാണെന്നും എഴുതിയ ടീഷർട്ട് ഉയർത്തിയായിരുന്നു നൗഫലിന്റെ പ്രതിഷേധം. തുടർന്ന് നൗഫലിനെ യോഗത്തിൽ നിന്ന് പുറത്താക്കിയെങ്കിലും ഹാളിന് പുറത്ത് പ്രതിഷേധിക്കുകയായിരുന്നു. ഇതോടെ കന്റോൺമെന്റ് പോലീസ് എത്തി അറസ്റ്റ് ചെയ്തു നീക്കുകയായിരുന്നു. തൊഴിലാളി, യുവജന, വിദ്യാർത്ഥി, മഹിളാ പ്രസ്ഥാന പ്രതിനിധികളുമായാണ് മന്ത്രിയുടെ അധ്യക്ഷതയിൽ യോഗം നടന്നത്.